എന്നാണ്. ലോകപ്രശസ്തമായ ഓക്സ്ഫോർഡ് യൂണിവേഴ്സിറ്റിയിൽ നിന്നും നിയമപഠനത്തിൽ ബിരുദം നേടിയ കക്ഷിയാണ് സിദ്ദിഖി. നിരവധി നിയമ സ്ഥാപനങ്ങളിൽ പ്രവർത്തിച്ചിട്ടുള്ള സിദ്ദിഖി പക്ഷെ 2011 മുതൽ തൊഴിൽരഹിതനാണ്. അതുകൊണ്ട് തന്നെ സാമ്പത്തികമായി ജീവിതകാലം മുഴുവൻ തന്നെ സഹായിക്കണമെന്ന് ദുബായിൽ താമസിക്കുന്ന മാതാപിതാക്കളോട് സിദ്ദിഖി ആവശ്യപ്പെട്ടു.
കഴിഞ്ഞ 20 വർഷമായി ലണ്ടനിലെ ഹൈഡ് പാർക്കിന് സമീപമുള്ള മാതാപിതാക്കളോടെ ഒരു മില്യൺ ഡോളറിന്റെ ഫ്ലാറ്റിൽ താമസിക്കുകയാണ് സിദ്ദിഖി എന്നതാണ് മറ്റൊരു രസകരമായ വസ്തുത. ഇതുകൂടാതെ ആഴ്ചയിൽ 400 ഡോളറിൽ കൂടുതൽ ചെലവിനായി മാതാപിതാക്കൾ നൽകുന്നുണ്ട്. അടുത്തിടെ കുടുംബ തർക്കത്തെത്തുടർന്ന് മകനുള്ള സാമ്പത്തിക സഹായം വെട്ടിക്കുറയ്ക്കാൻ മാതാപിതാക്കൾ തീരുമാനമെടുത്തതോടെയാണ് സിദ്ദിഖി ഇടഞ്ഞത്. ആജീവനാന്തം തനിക്ക് മാതാപിതാക്കൾ ചിലവിന് തരാൻ ബാധ്യസ്ഥരാണ് എന്ന് വാദിച്ചാണ് സിദ്ദിഖി കേസ് കൊടുത്തത്.
മാതാപിതാക്കൾക്കെതിരായ നൽകിയ കേസ് കഴിഞ്ഞ വർഷം ഒരു കുടുംബ കോടതി ജഡ്ജി നിരാകരിച്ചിരുന്നു. എന്നാൽ സിദ്ദിഖി അപ്പീലിന് പോയി. എന്നാൽ ഇത്തവണയും സിദ്ദിഖി പരാജയപ്പെട്ടു. മാതാപിതാക്കൾ പരിപാലന ചിലവ് നിരാകരിച്ചത് മൂലം സിദ്ദിഖിയുടെ മനുഷ്യാവകാശങ്ങൾ ലംഘിക്കപ്പെട്ടിട്ടില്ലെന്ന് കോടതി കണ്ടെത്തി. “പ്രായപൂർത്തിയായ മക്കളെ പിന്തുണയ്ക്കാൻ മാതാപിതാക്കൾക്ക് നിയമപരമായ ചുമതലയില്ല, അവരുടെ ആവശ്യം എത്ര വലുതാണെങ്കിലും” കോടതി വ്യക്തമാക്കി. ഇനിയും അപ്പീലിന് പോകാൻ സിദ്ദിക്കിയ്ക്ക് പദ്ധതിയുണ്ടോ എന്ന് വ്യക്തമല്ല.
ഇതാദ്യമായല്ല, വിചിത്രമായ ആവശ്യങ്ങൾ ഉന്നയിച്ച് സിദ്ദിഖി കോടതിയിൽ പോയത്. 2018ൽ ഓക്സ്ഫോർഡ് യൂണിവേഴ്സിറ്റിക്കെതിരെ നിയമനടപടി സ്വീകരിക്കുകയും 40.56 കോടി രൂപ ആവശ്യപ്പെടുകയും ചെയ്തു കക്ഷി. യൂണിവേഴ്സിറ്റിയുടെ അധ്യാപനം അത്ര പോരാ എന്നതാണ് കുറ്റം.
