മുല്ലപ്പെരിയാർ അണക്കെട്ടിലെ ജലനിരപ്പ് ഉയര്ന്നതിനെ തുടര്ന്ന് ഇന്നലെ എട്ട് ഷട്ടറുകള് തുറന്ന സാഹചര്യത്തിലാണ് മന്ത്രിമാരുടെ സന്ദര്ശനം. എന്നാൽ, എട്ട് ഷട്ടറുകളും ഉയര്ത്തിയതോടെ ജലനിരപ്പിൽ കുറവ് ഉണ്ടായിട്ടുണ്ട്.
Also Read :
തമിഴ്നാട് ജലവിഭവ വകുപ്പ് മന്ത്രി ദുരൈമുരുകൻ, ധനമന്ത്രി പളനിവേൽ ത്യാഗരാജൻ, സഹകരണ വകുപ്പ് മന്ത്രി ഐ പെരിയ സ്വാമി, റവന്യു മന്ത്രി പി മൂര്ത്തി എന്നിവരാണ് സന്ദര്ശനം നടത്തുന്നത്. മന്ത്രിമാര്ക്കൊപ്പം തേനി ജില്ലയിൽ നിന്നുള്ള എംഎൽഎമാരും ഉന്നത ഉദ്യോഗസ്ഥരും ഉണ്ടാകുമെന്നാണ് മനോരമ ന്യൂസ് റിപ്പോര്ട്ട് ചെയ്യുന്നത്.
കഴിഞ്ഞ ദിവസം അണക്കെട്ടിലെ ജലനിരപ്പ് 138.80 അടിയായി ഉയര്ന്നിരുന്നു. അണക്കെട്ട് സന്ദര്ശിച്ച ശേഷം മന്ത്രിമാരുടെ സംഘം മാധ്യമങ്ങളെ കണ്ടേക്കുമെന്നാണ് വിവരം.
Also Read :
അതേസമയം, ഇന്ന് കാലാവസ്ഥാ കേന്ദ്ര പുറത്തുവിട്ട കണക്ക് പ്രകാരം ഇടുക്കി അണക്കെട്ടിലെ ജലനിരപ്പ് 2398.44 അടിയായി. അണക്കെട്ടിൽ ഓറഞ്ച് അലേര്ട്ടാണുള്ളത്. അതിന് പുറമെ, ജില്ലയിലെ ഇരട്ടയാര്, ലോവര് പെരിയാര്, കുണ്ടള, പൊന്മുടി എന്നീ ഡാമുകളില് റെഡ് അലേര്ട്ടും. മാട്ടുപ്പെട്ടി, ആനയിറങ്ങൽ ഡാമുകളില് ഓറഞ്ച് അലേര്ട്ടും പ്രഖ്യാപിച്ചിട്ടുണ്ട്.
കേരളത്തിലെ 10 ജില്ലകളിൽ ഇന്ന് യെല്ലോ അലര്ട്ട് പ്രഖ്യാപിച്ചിരിക്കുകയാണ്. തിങ്കളാഴ്ചയോടെ മഴയ്ക്ക് ശമനമുണ്ടായേക്കുമെന്നാണ് കേന്ദ്ര കാലാവസ്ഥ വകുപ്പ് പ്രവചിക്കുന്നത്. വിവിധ ജില്ലകളില് ജാഗ്രതാ നിര്ദ്ദേശം നൽകിയിട്ടുണ്ട്. പത്തനംതിട്ട, കോട്ടയം, ഇടുക്കി, എറണാകുളം, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് ജില്ലകളില് ഇന്ന് യെല്ലോ അലര്ട്ടാണ് പ്രഖ്യാപിച്ചിരിക്കുന്നത്.
Also Read :
ബംഗാള് ഉള്ക്കടലില് രൂപപ്പെട്ട ന്യൂനമര്ദം നിലവിൽ തെക്ക് കിഴക്കൻ അറബികടലിനും ലക്ഷദ്വീപിനും മുകളിലായാണ് സ്ഥിതി ചെയ്യുന്നത്. അടുത്ത 24 മണിക്കൂറിനുള്ളിൽ ന്യുന മർദ്ദം വടക്ക് വടക്ക് പടിഞ്ഞാറു ദിശയിൽ സഞ്ചരിച്ചു ശക്തി പ്രാപിക്കാൻ സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു.
