അൻസു ഫാറ്റി കാത്തു

കീവ്
അൻസു ഫാറ്റി ബാഴ്സയുടെ ശ്വാസം നിലനിർത്തി. ജയം അനിവാര്യമായ കളിയിൽ ഫാറ്റിയുടെ ഒറ്റഗോളിൽ ബാഴ്സ ഡൈനാമോ കീവിനെ മറികടന്നു. 70–-ാംമിനിറ്റിലാണ് ബാഴ്സയുടെ 10–-ാംനമ്പറുകാരന്റെ ഗോൾ പിറന്നത്. ചാമ്പ്യൻസ് ലീഗിൽ ആദ്യ രണ്ടു കളിയിലും തോറ്റ ബാഴ്സ അവസാന രണ്ടും ജയിച്ചു. പരിശീലകൻ റൊണാൾഡ് കൂമാനെ പുറത്താക്കിയശേഷമുള്ള അവരുടെ ആദ്യ ചാമ്പ്യൻസ് ലീഗ് കളിയായിരുന്നു ഇത്. 23ന് ബെൻഫിക്കയെ തോൽപ്പിച്ചാൽ ബാഴ്സയ്ക്ക് അവസാന പതിനാറ് ഉറപ്പിക്കാം. കഴിഞ്ഞ 17 സീസണിലും ബാഴ്സ നോക്കൗട്ട് റൗണ്ടിൽ കടന്നിട്ടുണ്ട്.