തെഹ്റാന്
ഒമാന് കടലില് എണ്ണടാങ്കര് വരുതിയിലാക്കാനുള്ള അമേരിക്കന് നാവികസേനയുടെ നീക്കം പൊളിച്ചെന്ന് ഇറാന്റെ വെളിപ്പെടുത്തല്. ഇറാനില്നിന്ന് എണ്ണ സംഭരിച്ച് നീങ്ങിയ ടാങ്കര് തടയാനുള്ള അമേരിക്കന് നീക്കം വ്യോമസേനയുടെ സഹായത്തോടെ ഇറാന് നിഷ്ഫലമാക്കിയെന്നാണ് റിപ്പോര്ട്ട്.
കപ്പല് ഏതു രാജ്യത്തേതെന്നോ സംഭവം എന്നാണെന്നോ വെളിപ്പെടുത്തിയിട്ടില്ല. പടക്കപ്പലും ഹെലികോപ്റ്ററുകളും ഉപയോഗിച്ച് വീണ്ടും കപ്പല് തടയാന് അമേരിക്ക ശ്രമിച്ചെങ്കിലും ഇറാന് സേന ഇതിനെയെല്ലാം അതിജീവിച്ച് കപ്പലില് സ്വന്തം തീരത്ത് എത്തിച്ചെന്നും റിപ്പോര്ട്ടിലുണ്ട്. ടാങ്കറില്നിന്ന് എണ്ണ ചോര്ത്തിക്കൊണ്ടുപോകാനായിരുന്നു അമേരിക്കന് സൈന്യം ശ്രമിച്ചതെന്നും പറയുന്നു.
