അബുദബി > ഓപ്പണർമാർ തുടക്കമിട്ട വെടിക്കെട്ടിന്റെ മികവിൽ ട്വന്റി ട്വന്റി ലോകകപ്പിൽ അഫ്ഗാനിസ്ഥാനെതിരെ ഇന്ത്യയ്ക്ക് കൂറ്റൻ സ്കോർ. ടോസ് നഷ്ടപ്പെട്ട് ആദ്യം ബാറ്റിങ്ങിനിറങ്ങിയ ഇന്ത്യ നിശ്ചിത 20 ഓവറില് രണ്ടു വിക്കറ്റ് നഷ്ടത്തില് 210 റണ്സെടുത്തു. ഈ ലോകകപ്പില് ഇതുവരെ ഒരു ടീം നേടിയ ഉയര്ന്ന സ്കോറാണിത്.
രോഹിത് ശര്മ – കെ എല് രാഹുല് ഓപ്പണിങ് കൂട്ടുകെട്ടാണ് ഇന്ത്യന് ഇന്നിങ്സിന്റെ നട്ടെല്ല്. അര്ധ സെഞ്ചുറി നേടിയ ഇരുവരും ഓപ്പണിങ് വിക്കറ്റില് 14.4 ഓവറില് 140 റണ്സ് ചേര്ത്ത ശേഷമാണ് പിരിഞ്ഞത്.
