തിരുവനന്തപുരം: തിരുവനന്തപുരം ആര്യനാട് ചെറുമഞ്ചലിൽ കെഎസ്ആർടിസി ബസ് നിയന്ത്രണം വിട്ട് വെയിറ്റിങ്ഷെഡിലേക്ക് പാഞ്ഞുകയറി അപകടം. അഞ്ച്കുട്ടികൾ ഉൾപ്പെടെ ആറുപേർക്ക് സംഭവത്തിൽ പരിക്കേറ്റു.
പരിക്കേറ്റവരിൽ ഒരാൾ അപകടത്തിൽപ്പെട്ട ബസിലെ യാത്രക്കാരനാണ്. സോമൻ നായർ (60) എന്നയാൾക്കാണ് പരിക്കേറ്റത്. ഇയാളുടെ നില ഗുരുതരമാണെന്നാണ് വിവരം. വിദ്യ (13), ഗൗരി (18), വൈശാഖ് (14), വൃന്ദ (15), മിഥുൻ (13) എന്നിവരാണ് പരിക്കേറ്റ വിദ്യാർത്ഥികൾ.
നെടുമങ്ങാട് ഭാഗത്തേക്ക് വന്ന കെഎസ്ആർടിസി ബസ്സാണ് അപകടത്തിൽപ്പെട്ടത്. അപകടത്തിൽവെയിറ്റിങ്ഷെഡ് പൂർണമായും തകർന്നു. ബസ്വളവ് തിരിഞ്ഞു വരുന്നതിനിടെയാണ് അപകടമുണ്ടായത്.പരിക്കേറ്റവരെ തിരുവനന്തപുരം മെഡിക്കൽ കോളേജിലേക്ക് മാറ്റി.
ബസ് അമിതവേഗതയിലായിരുന്നെന്നാണ് ദൃക്സാക്ഷികൾ പറയുന്നത്. രാവിലെ സ്കൂളിലേക്ക് പോകാൻ ബസ് കാത്തുനിന്ന് വിദ്യാർത്ഥികളാണ് അപകടത്തിൽപ്പെട്ടത്.
Content Highlights:six injured including students injured as bus rammed into waiting shed
