തിരുവനന്തപുരം > ആര്യനാട് ഈഞ്ചപുരയില് കെഎസ്ആര്ടിസി ബസ് വെയ്റ്റിങ് ഷെഡിലേക്ക് ഇടിച്ചുകയറി അഞ്ചു കുട്ടികള് ഉള്പ്പെടെ ആറുപേര്ക്ക് പരിക്ക്. കുട്ടികളുടെ പരിക്ക് ഗുരുതരമല്ലെന്നാണ് പ്രഥമിക വിവരം. മുതിർന്നയാൾക്ക് സാരമായി പരിക്കേറ്റു. ആര്യനാട് ഡിപ്പോയിലെ പാങ്കാവ്‐നെടുമങ്ങാട് ബസാണ് അപകടത്തിൽ പെട്ടത്.
രാവിലെ 9.15 ഓടെയായിരുന്നു അപകടം. നിയന്ത്രണം വിട്ട ബസ് കാത്തിരിപ്പ് കേന്ദ്രത്തിലേക്ക് ഇടിച്ചു കയറുകയായിരുന്നു. ഇടിയിൽ വെയിറ്റിങ് ഷെഡ് പൂർണമായി തകർന്നു. പരിക്കേറ്റവരെ തിരുവനന്തപുരം മെഡിക്കല് കോളേജിൽ പ്രവേശിപ്പിച്ചു.
