പ്രവര്‍ത്തനത്തിനായി ഇറങ്ങുന്നിടത്തൊക്കെ ജനങ്ങള്‍ ഇന്ധനവില വര്‍ധനവ് പ്രതിരോധമായി ഉയര്‍ത്തുകയാണെന്നാണ് ഭാരവാഹികള്‍ പരാതിപ്പെട്ടത്. എന്നാൽ ഇന്ധനവിലയിലെ വര്‍ധനവ് താത്കാലികം മാത്രമാണെന്നും ഉടൻ തന്നെ ഇതിനു പരിഹാരം കാണുമെന്നും ദേശീയ ജനറൽ സെക്രട്ടറി ബിഎൽ സന്തോഷ് മറുപടി നല്‍കിയതായി മനോരമ റിപ്പോര്‍ട്ട് ചെയ്തു.
പെട്രോളിനും ഡീസലിനും പ്രതിദിനം 35 പൈസയോളം വര്‍ധിക്കുന്ന സാഹചര്യത്തിൽ പ്രതിപക്ഷ പാര്‍ട്ടികള്‍ ശക്തമായ പ്രക്ഷോഭത്തിന് ഒരുങ്ങുന്നതിനിടെയാണ് ബിജെപിയ്ക്കുള്ളിലെ അമര്‍ഷം. കഴിഞ്ഞ ദിവസം ഇന്ധനവില വര്‍ധനവിനെതിരെ കൊച്ചിയിൽ കോൺഗ്രസ് നടത്തിയ വഴിതടയൽ സമരം സംഘര്‍ഷത്തിൽ കലാശിച്ചിരുന്നു. ഇന്ധനവിലയ്ക്കു മേലുള്ള നികുതിയാണ് വിലവര്‍ധനവിനു കാരണമെന്നിരിക്കേ ഇതിനു ഇതുവരെ കേന്ദ്രസര്‍ക്കാര്‍ കൃത്യമായ വിശദീകരണം നല്‍കിയിട്ടില്ല.
Also Read:
അതേസമയം, സംസ്ഥാന നേതൃത്തവവത്തെ ദേശീയ ജനറൽ സെക്രട്ടറി വിമര്‍ശിച്ചതായാണ് റിപ്പോര്‍ട്ട്. പാര്‍ട്ടിയെ നന്നാക്കാൻ എന്നു പറഞ്ഞു നേതൃത്വത്തിനെതിരെ സമൂഹമാധ്യമങ്ങളിൽ പോസ്റ്റുകളും പ്രസ്താവനകളും പ്രചരിപ്പിക്കുന്നത് ദുരുദ്ദേശപരമാണെന്നും അദ്ദേഹം പറഞ്ഞു. കേരളത്തിലെ ബിജെപി ഘടകത്തിൽ നടക്കുന്നതിനെപ്പറ്റി ദേശീയ നേതൃത്വത്തിനു നല്ല ബോധ്യമുണ്ടെന്നും പാര്‍ട്ടിയിൽ അച്ചടക്ക ലംഘനം അനുവദിക്കാൻ കഴിയില്ലെന്നും ബിഎൽ സന്തോഷ് മുന്നറിയിപ്പ് നല്‍കി. ഇത്തരക്കാരെ നിരീക്ഷിക്കുമെന്നും അദ്ദേഹം കൂട്ടിച്ചേര്‍ത്തു. സംസ്ഥാന ഘടകത്തിലെ ഗ്രൂപ്പുതര്‍ക്കത്തെ തുടര്‍ന്ന് മുതിര്‍ന്ന നതാക്കളായ എഎൻ രാധാകൃഷ്ണനും എംടി രമേശും കോര്‍ കമ്മിറ്റിയിൽ നിന്നു വിട്ടു നിന്ന സാഹചര്യത്തിലാണ് വിമര്‍ശനം. സംസ്ഥാന നേതൃയോഗത്തിൽ ശോഭ സുരേന്ദ്രനും പങ്കെടുത്തില്ല.
Also Read:
സംഘടനാ പ്രവര്‍ത്തനത്തിനു പുറമെ നേതാക്കള്‍ ജനകീയ മുന്നേറ്റങ്ങള്‍ക്കും നേതൃത്വം വഹിക്കണമെന്ന് പാര്‍ട്ടി നേതൃത്വം നിര്‍ദേശിച്ചു. മറ്റു സംസ്ഥാനങ്ങളിൽ നേതാക്കള്‍ ജനകീയ മുന്നേറ്റത്തിനു നേതൃത്വം വഹിക്കുന്നതു കൊണ്ടാണ് അവിടങ്ങളിൽ ബിജെപി വളര്‍ന്നതെന്നും ഇത് കേരളത്തിലും നടപ്പാക്കണമെന്നും അദ്ദേഹം നിര്‍ദേശിച്ചു. എല്ലാ മാസവും അവസാനത്തെ ആഴ്ച ബൂത്തുകളിൽ നേതാക്കള്‍ പ്രവര്‍ത്തനം നടത്തണമെന്നും അദ്ദേഹം നിര്‍ദേശിച്ചു.
അതേസമയം, പ്രധാനമന്ത്രി നരേന്ദ്ര മോദി ഫ്രാൻസിസ് മാര്‍പാപ്പയെ സന്ദര്‍ശിച്ചതിനെ അഭിനന്ദിച്ച് സംസ്ഥാന നേതൃയോഗം പ്രമേയം പാസാക്കി. പ്രധാനമന്ത്രിയുടെ സന്ദര്‍ശനവും മാര്‍പാപ്പയുടെ ഇന്ത്യയിലേയ്ക്കുളഅള വരവും ബിജെപിയുടെ പ്രതിച്ഛായ വര്‍ധിപ്പിക്കുമെന്നാണ് പാര്‍ട്ടിയുടെ വിലയിരുത്തൽ. ഇത് ബിജെപി ന്യൂനപക്ഷവിരുദ്ധമാണെന്ന പ്രചാരണത്തിൻ്റെ മുനയൊടിക്കുമെന്ന് പ്രമേയത്തിൽ പറയുന്നു. കേരളത്തിലെ ക്രിസ്ത്യൻ സമൂഹത്തിന് ഇത് ആത്മവിശ്വാസം നല്‍കുമെന്നും ക്രൈസ്തവര്‍ക്കിടയിൽ ബിജെപിയെക്കുറിച്ചുള്ള മതിപ്പ് കൂടുമെന്നും പാര്‍ട്ടി വിലയിരുത്തി. ബിജെപി ന്യൂനപക്ഷ വിരുദ്ധമാണെന്നു പ്രചരിപ്പിക്കുന്ന ശക്തികള്‍ക്ക് ഇത് തിരിച്ചടിയാകുമെന്നും നേതാക്കള്‍ വ്യക്തമാക്കി.
