ഇബ്ര 400 ; നാൽപ്പതാം വയസ്സിൽ 400–-ാം ലീഗ്‌ ഗോൾ

മിലാൻ
നാൽപ്പതാം വയസ്സിൽ 400–-ാം ലീഗ് ഗോൾ കുറിച്ച് സ്ലാട്ടൻ ഇബ്രാഹിമോവിച്ച്. ഇറ്റാലിയൻ ഫുട്ബോൾ ലീഗിൽ റോമയ്ക്കെതിരായ മത്സരത്തിൽ ലക്ഷ്യം കണ്ടതോടെ വിവിധ ലീഗുകളിലായി ഇബ്രാഹിമോവിച്ചിന് 400 ഗോളായി. ഫ്രീകിക്കിലൂടെയായിരുന്നു റോമയ്ക്കെതിരെ വല കണ്ടത്. ഇറ്റാലിയൻ ലീഗിൽ 150 ഗോളാണ് ഇബ്ര ഇതുവരെ കുറിച്ചത്. ഫ്രഞ്ച് ലീഗിൽ 113, അമേരിക്കൻ സോക്കർ ലീഗിൽ 52 എന്നിങ്ങനെയാണ് കണക്കുകൾ. ഇംഗ്ലീഷ് പ്രീമിയർ ലീഗിൽ പതിനേഴും സ്പാനിഷ് ലീഗിൽ പതിനാറും ഗോളുകളുണ്ട്. കളിജീവിതത്തിൽ ആകെ 958 കളിയിൽ 565 ഗോളുണ്ട് സ്വീഡൻകാരന്.
റോമയ്ക്കെതിരെ മിലാൻ 2–-1ന് ജയംനേടി.