സനാ
യമനിലെ മാരിബിൽ പള്ളിക്കും മദ്രസയ്ക്കും നേരെ ഹൂതികളുടെ റോക്കറ്റ് ആക്രമണമെന്ന് സർക്കാർ. 10 പേർ കൊല്ലപ്പെട്ടു. ഇരുപത്തഞ്ചിലധികം പേർക്ക് പരിക്കേറ്റു. ഞായറാഴ്ച വൈകിട്ടോടെയാണ് ജനവാസമേഖലയായ അൽ-–-അമൂദിൽ ആക്രമണമുണ്ടായത്. മതപാഠശാലയായ ദാറുൽ ഹദീസിലും സമീപത്തെ പള്ളിയിലും രണ്ട് റോക്കറ്റ് പതിച്ചു. കൊല്ലപ്പെട്ടവരിൽ സ്ത്രീകളും കുട്ടികളും ഉൾപ്പെടുന്നതായി അധികൃതർ അറിയിച്ചു.
സംഭവത്തിൽ ഹൂതികൾ ഇതുവരെ പ്രതികരിച്ചിട്ടില്ല. എണ്ണ സമ്പന്നവുമായ മാരിബ് പിടിച്ചാൽ രാജ്യത്തിന്റെ തലസ്ഥാനമായ സനായടക്കം നിയന്ത്രിക്കുന്ന ഹൂതികൾക്ക് വടക്കൻഭാഗത്ത് പൂർണ ആധിപത്യമാവും.
