പെരിയാർ നദിയുടെ ഇരുകരകളിലും കഴിയുന്നവർ ജാഗ്രത പാലിക്കേണ്ടതാണെന്ന് ഇടുക്കി ജില്ലാ കലക്ടർ അറിയിച്ചു. ജനങ്ങൾ പരിഭ്രാന്തരാകേണ്ടതില്ല. ആവശ്യമായ മുൻകരുതലുകൾ ജില്ലാ ഭരണകൂടം സ്വീകരിച്ചിട്ടുണ്ടെന്നും കലക്ടർ വ്യക്തമാക്കി.
Also Read :
ഇന്ന് രാവിലെ 11 മണി മുതലായിരുന്നു മുല്ലപ്പെരിയാർ അണക്കെട്ടിൽ നിന്നും പുറത്തുവിടുന്ന ജലത്തിന്റെ അളവ് 831 ക്യുസെക്സ് കൂടി വർദ്ധിപ്പിച്ച് 1675 ഘനയടിയായി ഉയർത്തിയത്. ഇതിന് പിന്നാലെയാണ് മൂന്ന് ഷട്ടറുകൾ കൂടി തുറന്നിരിക്കുന്നത്.
അണക്കെട്ടിലെ ഇൻഫ്ലോ കുറയുന്നില്ലെന്നും കൂടുതൽ വെള്ളം തമിഴ്നാട് കൊണ്ട് പോകണമെന്നും മന്ത്രി റോഷി അഗസ്റ്റിൻ നേരത്തെ ആവശ്യപ്പെട്ടിരുന്നു. റൂൾ കർവിലേക്ക് ജലനിരപ്പ് എത്തിക്കാത്തത് ആശങ്കയുണ്ടാക്കുന്നുണ്ടെന്നും അദ്ദേഹം പറഞ്ഞിരുന്നു. 5000 ഘനയടി വെള്ളം തുറന്ന് വിട്ടാലും പെരിയാർ തീരത്ത് വലിയ പ്രശ്നം ഉണ്ടാകില്ലെന്ന് വ്യക്തമാക്കിക്കൊണ്ടായിരുന്നു മന്ത്രിയുടെ വാക്കുകൾ.
Also Read :
“പെരിയാർ തീരത്തെ ജനങ്ങൾ ആശങ്കപ്പെടേണ്ടതില്ല. കൂടുതൽ വെള്ളം മുല്ലപ്പെരിയാറിൽ നിന്ന് എത്തിയാലും ഇടുക്കി തുറക്കേണ്ടി വരില്ല. മുല്ലപ്പെരിയാറിൽ പുതിയ അണക്കെട്ട് വേണം. വിഷയത്തിൽ തമിഴ്നാടിന്റെ ഭാഗത്ത് നിന്നും സൗഹാർദ്ദ പരമായ സമീപനമാണ് തമിഴ്നാടിനുള്ളത്. തമിഴ്നാട് മുഖ്യമന്ത്രിയുടെ ഭാഗത്ത് നിന്നുമുണ്ടായ സമീപനം പോസിറ്റീവായി കാണുന്നു. ജലനിരപ്പ് റൂൾ കർവിലേക്ക് താഴ്ത്താൻ കഴിയാത്തത് തമിഴ്നാടിന്റെ വീഴ്ചയായി കാണേണ്ട കാര്യമാണ്. റൂൾ കർവിലേക്ക് എത്തിക്കാത്തത് ആശങ്ക ഉണ്ടാക്കുന്നുണ്ട്” – എന്നും മന്ത്രി റോഷി അഗസ്റ്റിൻ പറഞ്ഞിരുന്നു.
