ഇന്ത്യയിലെ ഇടതുപക്ഷ പാര്‍ട്ടികള്‍ യുഎപിഎക്കെതിരാണ്; കേസെടുക്കാൻ പാടില്ലാത്തതാണെന്ന് കാനം

തിരുവനന്തപുരം: ഇന്ത്യയിലെ ഇടതുപക്ഷ പാര്‍ട്ടികള്‍ എല്ലാം പോലുള്ള കരി നിയമങ്ങൾക്കെതിരാണെന്ന് സി പി ഐ സംസ്ഥാന സെക്രട്ടറി . കരി നിയമങ്ങൾ ചുമത്തുന്നത് മനുഷ്യാവകാശത്തിന്‍റെ ലംഘനമാണ് എന്ന് ചൂണ്ടിക്കാണിച്ചുകൊണ്ട് നിരവധി സമരങ്ങൾ നടത്തുന്നുണ്ടെന്നും കേരളത്തിൽ അത്തരമൊരു കേസ് വരുമ്പോൾ അത് ഇടതുപക്ഷത്തിന്‍റെ നിലപാടിന് അനുയോജ്യമല്ലെന്ന് സിപിഐ തുറന്ന് പറഞ്ഞിട്ടുണ്ടെന്നും അദ്ദേഹം പറഞ്ഞു.

ഇടതുസർക്കാർ യു എ പി എ എടുക്കാൻ പാടില്ലാത്തതാണ്, എന്നാൽ എടുത്തുവെന്നും അദ്ദേഹം പറഞ്ഞു. സുപ്രിം കോടതിയുടെ നിരീക്ഷണം ഇടതുപക്ഷത്തിന് മാത്രം ബാധകമായതല്ല. മനുഷ്യാവകാശത്തിന് വില കൊടുക്കാത്ത ഭരണസംവിധാനത്തിന് എതിരാണ് വിധിയെന്നും സി പി ഐ സംസ്ഥാന സെക്രട്ടറി പറഞ്ഞു.

Also Read :
എൽ ഡി എഫ് നിയന്ത്രണത്തിലുള്ള സർക്കാർ ഇടതുപക്ഷ നിലപാടുകൾക്ക് വ്യത്യസ്തമായി പോകുമ്പോഴാണ് തങ്ങൾ അത് ചൂണ്ടിക്കാണിക്കുന്നത്. ചിലതെല്ലാം തിരുത്താറുണ്ട്. ചിലത് തിരുത്താതെ പോകാറുണ്ട്. അത് സ്വാഭാവികമാണെന്നം കാനം രാജേന്ദ്രൻ മാധ്യമപ്രവർത്തകരുടെ ചോദ്യങ്ങൾക്ക് മറുപടി നൽകവെ പറഞ്ഞു.

സുപ്രിംകോടതി യു എ പി എ കേസിലെടുത്തിരിക്കുന്ന നിരീക്ഷണം ഇടതു സര്‍ക്കാരിനെ മാത്രം ബാധിക്കുന്നതല്ല. മറ്റെല്ലാ സര്‍ക്കാരുകള്‍ക്കും ആ നിരീക്ഷണം ബാധകമാണെന്നും കാനം കൂട്ടിച്ചേര്‍ത്തു.

Also Read :
മാവോയിസ്റ്റ് കേസുകളിൽ അതിനോടുള്ള പൊതുനിലപാട് വേണമെന്നാണ് സി പി ഐയും സി പി എമ്മും ദേശീയതലത്തിൽ പറഞ്ഞിട്ടുള്ളത്. അത് ഒരു സാമൂഹിക പ്രശ്നമായി കണ്ട് കൊണ്ട് അതിനോടുള്ള നടപടികൾ വേണം. അതല്ലാതെ ക്രിമിനൽ പശ്ചാത്തലത്തിൽ കണ്ടുകൊണ്ടുള്ള നടപടികൾ പാടില്ലെന്നും കാനം രാജേന്ദ്രൻ കൂട്ടിച്ചേർത്തു.