സ്‌പാനിഷ്‌ ലീഗ്‌ : അത്‌ലറ്റികോയ്ക്ക് സമനില, സോസിഡാഡ് മുന്നോട്ട്

മാഡ്രിഡ്
സ്പാനിഷ് ലീഗ് ഫുട്ബോളിൽ ചാമ്പ്യൻമാരായ അത്ലറ്റികോ മാഡ്രിഡിന് സമനില. ലെവന്റെയാണ് അത്ലറ്റികോയെ കുരുക്കിയത് (2–-2). ഇതോടെ 10 കളിയിൽ 19 പോയിന്റോടെ അത്ലറ്റികോ ആറാമതായി. സെൽറ്റ വിഗോയെ 2–-0ന് മറികടന്ന് റയൽ സോസിഡാഡ് ലീഗിൽ ഒന്നാമതെത്തി. 11ൽ ഏഴും ജയിച്ച സോസിഡാഡിന് 24 പോയിന്റാണ്. ഒറ്റ കളി കുറച്ചുള്ള റയൽ മാഡ്രിഡാണ് (21) രണ്ടാമത്. 10 മത്സരത്തിൽ 15 പോയിന്റുള്ള ബാഴ്സലോണ ഒമ്പതാംസ്ഥാനത്താണ്. പരിശീലകൻ റൊണാൾഡ് കൂമാനെ പുറത്താക്കിയശേഷം ആദ്യമായി ബാഴ്സ ഇന്നിറങ്ങും. അലാവെസാണ് എതിരാളി. രാത്രി 12.30നാണ് കളി. താൽക്കാലിക പരിശീലകൻ സെർജി ബർയുവാനാണ് ചുമതല.