എന്നാണ് തങ്ങളുടെ കമ്പനിയുടെ പുത്തൻ പേര് എന്ന് ഫേസ്ബുക് സഹസ്ഥാപകനും സിഇഓയുമായ മാർക്ക് സുക്കർബർഗ് തത്സമയം സ്ട്രീം ചെയ്ത വെർച്വൽ ഓഗ്‌മെന്റഡ് റിയാലിറ്റി കോൺഫറൻസിൽ വ്യക്തമാക്കി. ചിലർക്ക് മെറ്റ എന്ന പേര് സ്വീകാര്യമാണെങ്കിൽ മറ്റൊരു കൂട്ടം ജനങ്ങൾക്ക് തീരെ ഇഷ്ടപ്പെട്ടില്ല. എന്ന മറ്റൊരു കൂട്ടം ജനങ്ങൾക്ക് പുതിയ പേര് ഒരു വിഷയമേയല്ല. എന്തുകൊണ്ട് സുക്കർബർഗിന്റെ പുറകിലെ ബുക്ക് ഷെൽഫിൽ എന്തുകൊണ്ട് ബാർബിക്യൂ സോസ്? എന്നതാണ് അവരുടെ വിഷയം.
പുതിയ പേര് മെറ്റാവേർസ് നിർമ്മിക്കുന്നതിലെ കമ്പനിയുടെ ശ്രദ്ധയെ പ്രതിഫലിപ്പിക്കുന്നുതാണ് എന്നാണ് സുക്കർബർഗ് ലോഞ്ച് വിഡിയോയിൽ പറയുന്നത്. ഇക്കാര്യങ്ങൾ പറയുന്ന വിഡിയോയിൽ സുക്കർബർഗിന്റെ പുറകിലെ ബുക്ക് ഷെൽഫിൽ ഒരു കുപ്പിയും അതിനടുത്തായി പുസ്തകങ്ങളും കാണാം. സ്വാഭാവികമായും ചിന്തിക്കാവുന്ന കാര്യമാണ് എന്തുകൊണ്ട് ബുക്ക് ഷെൽഫിൽ ഒരു കുപ്പി എന്ന്? അധികം താമസമില്ലാതെ സമൂഹ മാധ്യമങ്ങളിൽ ചിലർ അത് ബാർബിക്യൂ സോസ് ആണ് എന്ന് കണ്ടെത്തി. പിന്നീടുണ്ടായത് പലവിധ സിദ്ധാന്തങ്ങളാണ്.
കൃത്രിമബുദ്ധിയുടെ സാദ്ധ്യതകൾ ഉപയോഗിച്ച് ബാർബിക്യൂ സോസിന്റെ പരസ്യം ഫേസ്ബുക്ക് തിരുകി കയറ്റിയതാണ് എന്നതാണ് ഒരു കൂട്ടരുടെ വാദം. അപ്റോക്ക്സ് എന്ന ട്വിറ്റെർ ഉപഭോക്താവിന്റെ അഭിപ്രായത്തിൽ സ്വീറ്റ് ബേബി റേ കമ്പനിയുടെ ബാർബിക്യൂ സോസിനോട് സുക്കർബർഗിന് പ്രത്യേക താല്പര്യം ഉണ്ടെന്നും പലപ്പോഴും ബാർബിക്യൂ സോസ് ചേർത്ത ഇറച്ചിക്കറികളെപ്പറ്റി ഫേസ്ബുക് സിഇഓ വാചാലനാവാറുണ്ടത്രെ. ഇതാണ് വിഡിയോയിൽ സ്വീറ്റ് ബേബി റേ കമ്പനിയുടെ ബാർബിക്യൂ സോസ് പ്രദർശിപ്പിച്ചത് എന്നാണ് മറ്റൊരു വാദം. എന്നാൽ ഏറ്റവും വിശ്വസനീയമായ വാദം ഇതാണ്. പുസ്തകം മറിഞ്ഞു വീഴാതിരിക്കാൻ ഒരു ഭാഗത്ത് ബാർബിക്യൂ സോസ് വച്ചിരിക്കുന്നു എന്ന് മാത്രം.
