‘മുല്ലപെരിയാർ ഉൾപ്പെടുന്ന ജില്ലകൾ തമിഴ്നാടിന് വിട്ടു കൊടുക്കുക’; നിർദ്ദേശവുമായി സന്തോഷ് പണ്ഡിറ്റ്, സമാന കാമ്പയിനുമായി തമിഴ് സോഷ്യല്‍ മീഡിയ

മുല്ലപ്പെരിയാർ അണക്കെട്ട് അടക്കം ഉള്‍പ്പെടുന്ന സമീപ ജില്ലകളും തമിഴ്നാടിന് വിട്ടുകൊടുകക്കണമെന്ന് നിര്‍ദ്ദേശവുമായി സന്തോഷ് പണ്ഡിറ്റ്. ഫേസ്ബുക്കിൽ പണ്ഡിറ്റിന്റെ രാഷ്ട്രീയ നിരീക്ഷണം എന്ന തലക്കെട്ടുമായി കുറിപ്പിലാണ് ഇക്കാര്യം കുറിച്ചിരിക്കുന്നത്.

സ്കൂൾ ബസ് അപകടത്തിൽ പെടുമ്പോൾ വണ്ടിയുടെ ഫിറ്റ്നസ് ഉറപ്പാക്കുക. എവിടെയെങ്കിലും വലിയ കെട്ടിടം കത്തിയ ഒരാഴ്ച ഫയർ ആൻഡ് സേഫ്റ്റി ഉറപ്പാക്കുക. സ്ത്രീധനത്തിന് പേരിൽ ഏതെങ്കിലും പെൺകുട്ടി ആത്മഹത്യ ചെയ്താൽ ഒരാഴ്ച സ്ത്രീധനത്തിനെതിരെ പ്രതിഷേധിക്കുക. പ്രളയം വന്നതിനു ശേഷം ഗാഡ്ഗിൽ റിപ്പോര്‍ട്ട്, കസ്തൂരി രംഗൻ റിപ്പോര്‍ട്ട് ചർച്ച ചെയ്യുക. അങ്ങനെ തുടങ്ങി കുറെ കലാപരിപാടികൾ ആണ് ഇവിടെ നടക്കുന്നതെന്ന് സന്തോഷ് പണ്ഡിറ്റ് കുറിക്കുന്നു.

Also Read :

എവിടെയെങ്കിലും എന്തെങ്കിലും അപകടം സംഭവിക്കുന്നതിന് മുൻപ് കുറെ യോഗം ചേരും, സംഭവിച്ചു കഴിയുമ്പോൾ ദുഃഖം ആദരാഞ്ജലികൾ, പിന്നെ ഒരു അന്വേഷണ കമ്മീഷൻ. (അതിന് കുറച്ചു കോടികൾ കത്തിക്കും അത്രതന്നെ)
ഇതിന്റെ പരിഹാരം ഒന്നേയുള്ളു, മുല്ലപെരിയാർ ഡാം ഉൾപ്പെടുന്ന ചില ജില്ലകൾ തമിൾ നാടിന് വിട്ടു കൊടുക്കുക .അതോടെ ആ ജില്ലക്കാരുടെ സുരക്ഷക്കായി അവർ പുതിയ ഡാമും പണിയും ,തമിഴ് നാട്ടിലെ അഞ്ചു ജില്ലകൾ സമ്പുഷ്ടം ആകുകയും ചെയ്യുമെന്നും പണ്ഡിറ്റ് കുറിക്കുന്നു.

ലോകത്തിന്റെ ഏതുകോണിലുള്ളവരെയും “save” ചെയ്യുവാൻ കഷ്ടപ്പെട്ട് നടക്കുന്നവർ ഇനിയെങ്കിലും സ്വയം “save” ചെയ്യാൻ ശ്രമിക്കേണ്ട സമയം അതിക്രമിച്ചിരിക്കുന്നു. കേരളത്തിലെ ജനങ്ങൾക്ക് സുരക്ഷയും, തമിഴ്നാടിനു വെള്ളവും കിട്ടുവാൻ പുതിയ Dam ഉടനെ പണിയും എന്ന് കരുതാം.

Also Read :

അതേസമയം, പുതിയ ഡാം പണിയുകയാണെങ്കിൽ ഒന്നുകിൽ ആ ജോലി തമിഴ്നാടിനെയോ, കേന്ദ്രത്തെ കൊണ്ടോ ചെയ്യിക്കുക. അല്ലെങ്കിൽ പാലാരിവട്ടം പാലം, കോഴിക്കോട് ksrtc ടെർമിനൽൻെറ അവസ്ഥ ആകില്ല എന്ന് ഉറപ്പു വരുത്തണമെന്നും പണ്ഡിറ്റ് കുറിക്കുന്നു.

ഇപ്പോഴാണേൽ മഴക്കാലത്ത് പേടിച്ചാൽ മതി. “ചിലർ” പുതിയ ഡാം കെട്ടിയാൽ ആജീവനാന്തം ആ ജില്ലക്കാർ ഭയന്ന് ജീവിക്കേണ്ടി വരുമെന്നും വിമര്‍ശനാത്മകമായ കുറിക്കുന്നു.

അതേസമയം, തമിഴ്നാട്ടിൽ നിന്നും ഇതിന് സമാനമായ ഒരു പ്രചരണവും നടക്കുന്നുണ്ട്. പ്രധാനമായും തമിഴ്നാട്ടില്‍ നിന്നുള്ള സമൂഹമാധ്യമ അക്കൗണ്ടുകളാണ് ഈ പ്രചാരണത്തിന് പിന്നില്‍. #AnnexIdukkiWithTN എന്നതാണ് ട്രെന്‍റിംഗായിരിക്കുന്ന ഹാഷ്ടാഗ്.

നേരത്തെ മുല്ലപ്പെരിയാര്‍ അണക്കെട്ട് സുരക്ഷാ ഭീഷണിയിലാണെന്നും ഡാം ഡീകമ്മീഷൻ ചെയ്യണമെന്നുമുള്ള ആവശ്യവുമായി ശക്തമായ പ്രചരണം നടന്നിരുന്നു. #MullaperiyarDam #SaveKerala #DecommisionMullaperiyarDam എന്നീ ഹാഷ്ടാഗുകള്‍ ട്വിറ്റര്‍, ഫേസ്ബുക്ക് എന്നിവയില്‍ ട്രെന്‍റിംഗായിരുന്നു. പ്രമുഖര്‍ അടക്കം ഇതേ ആവശ്യവുമായി രംഗത്തുവന്നിരുന്നു. ഇതോടെയാണ് തമിഴ്നാട്ടിൽ നിന്നും പുതിയ കാമ്പയിൻ തുടങ്ങിയത്.

Also Read :

ഇന്ത്യയ്ക്ക് സ്വാതന്ത്ര്യം കിട്ടുന്നതിന് മുന്‍പ് മുല്ലപ്പെരിയാര്‍ അണക്കെട്ടും, ഇടുക്കി ജില്ലയും തമിഴ്‌നാടിന്റെ ഭാഗമായിരുന്നുവെന്നും. മലയാളികള്‍ക്ക് ആവശ്യമില്ലാത്ത മുല്ലപ്പെരിയാര്‍ അണക്കെട്ട് ഉള്‍പ്പടെ തമിഴ്നാട്ടില്‍ ചേര്‍ക്കൂ എന്നാണ് ക്യാംപെയിനിൽ പറയുന്നത്.