സഭ തർക്കാ വിഷയത്തിൽ സർക്കാരിന് പക്ഷമുണ്ടെന്ന് കരുതുന്നില്ലെന്നും ബസേലിയോസ് മാർത്തോമ മാത്യൂസ് തൃതീയൻ പ്രതികരിച്ചു. ‘സര്ക്കാരിന് പക്ഷമുണ്ടെന്ന് കരുതുന്നില്ല. വിധി നടപ്പാക്കുന്നതിലെ സർക്കാരിന്റെ വിഷമം സഭ മനസിലാക്കുന്നു. ഒരു പാര്ട്ടിയുമായും പ്രത്യേക അകലവുമില്ല, അടുപ്പവുമില്ല’- ഓർത്തഡോക്സ് പരമാധ്യക്ഷൻ പറഞ്ഞതായി റിപ്പോർട്ട് വ്യക്തമാക്കുന്നു.
Also Read :
അത്തനാസിയോസ് മെത്രോപൊലീത്തയുടെ മരണവുമായി ബന്ധപ്പെട്ട് ഉയർന്ന വിവാദത്തിലും തനിക്കെതിരായ കേസിനെക്കുറിച്ചും മാത്യൂസ് തൃതീയൻ പ്രതികരിച്ചു. തന്നെ അപമാനിക്കാനുള്ള ശ്രമത്തിന്റെ ഭാഗമായാണ് കേസ്. അതിന് വേണ്ടിയാണ് മരണവുമായി ബന്ധപ്പെട്ട് കള്ളക്കേസ് ഉണ്ടാക്കിയതെന്നും അദ്ദേഹം പറഞ്ഞു.
അത്തനാസിയോസ് മെത്രോപൊലീത്ത തീവണ്ടിയിൽ നിന്ന് വീണ് മരിച്ചത് കൊലപാതകമാണെന്ന് ചൂണ്ടികാട്ടി പുത്തൻകുരിശ് സ്വദേശി തോമസ് ടി പീറ്റർ നൽകിയ പരാതിയിൽ കോടതി നിർദേശ പ്രകാരമായിരുന്നു പോലീസ് കേസ് രജിസ്റ്റർ ചെയ്തത്. ഓർത്തഡോക്സ് സഭാ കാതോലിക്കാബാവ അടക്കം മൂന്ന് പേർക്കെതിരെയാണ് അന്വേഷണം.
Also Read :
കാതോലിക ബാവയ്ക്ക് പുറമെ , ഗീവർഗീസ് മാർ യൂലിയോ മെത്രാപോലീത, ഓർത്തഡോക്സ് ചർച്ച് സെക്രട്ടറി ബിജു ഉമ്മൻ എന്നിവർക്കെതിരെയാണ് കേസ്. 2018 ആഗസ്റ്റ് 24 ന് പുലർച്ചെയായിരുന്നു തോമസ് മാർ അത്തനാസിയോസ് മെത്രാപൊലീത്തയെ തീവണ്ടിയിൽ നിന്ന് വീണ് മരിച്ച നിലയിൽ കണ്ടെത്തിയത്.
Also Read :
