ഏറ്റവും പുതുതായി കക്ഷി പോസ്റ്റ് ചെയ്തിരിക്കുന്നത് ഫ്രഞ്ച് ഫ്രൈസ് കോഫിയാണ്. വിഡിയോയിൽ ഫ്രഞ്ച് ഫ്രൈസ് ഒരു മിക്സിയിൽ പൊടിച്ചെടുക്കുന്നതാണ് ആദ്യം കാണാനാവുക. പിന്നീട് ഇതൊരു കോഫീ മേയ്ക്കറിലേക്ക് മാറ്റി നീരെടുക്കും. ഈ നീരിൽ പാൽ ചേർത്താണ് ഫ്രഞ്ച് ഫ്രൈസ് കാപ്പി തയ്യാറാക്കിയിരിക്കുന്നത്. അവസാനം കുടിച്ച് നോക്കിയ ശേഷം കോഫീ കൊള്ളാമോ അതോ വായിൽ വയ്ക്കാൻ കൊള്ളാത്തതാണോ എന്ന് വീഡിയോ പോസ്റ്റ് ചെയ്യുന്ന കക്ഷി തന്നെ അഭിപ്രായം പറയുന്നുണ്ട്.
ഫ്രഞ്ച് ഫ്രൈസ് കാപ്പിയോ എന്ന് പറഞ്ഞ് നെറ്റി ചുളിക്കുന്നവർ കേൾക്കുക വാട്ട് ഹൌ ട്രൈ എന്ന ഇൻസ്റ്റഗ്രാം പേജിൽ ഫ്രഞ്ച് ഫ്രൈസ് കാപ്പി മാത്രമല്ല ന്യൂഡിൽസ് കാപ്പി, ടൂത്ത്പേസ്റ്റ് കാപ്പി, ഫ്രൈഡ് ചിക്കൻ കാപ്പി, ഡോണറ്റ് കാപ്പി, പ്രോട്ടീൻ പൗഡർ കോഫി, പിസ്സ കോഫി, മെന്റോസ് കോഫി എന്നിങ്ങനെ എന്ത് ചേരുവകൊണ്ടും കാപ്പിയുണ്ടാകുന്ന കക്ഷിയാണ് വാട്ട് ഹൌ ട്രൈ.
