തൃശൂർ: 2020-ലെ കലാമണ്ഡലം ഫെലോഷിപ്പുകളും അവാർഡ്-എൻഡോവ്മെന്റുകളും പ്രഖ്യാപിച്ചു. അമ്മന്നൂർ പരമേശ്വരൻ ചാക്യാർക്കും ചേർത്തല തങ്കപ്പ പണിക്കർക്കുമാണ് ഫെലോഷിപ്പുകൾ. 50000 രൂപയും കീർത്തിപത്രവും ഫലകവും അടങ്ങുന്നതാണ് ഫെലോഷിപ്പ്.
കെ.ബി രാജാനന്ദിനാണ് സമഗ്ര സംഭാവനയ്ക്കുള്ള എം.കെ.കെ നായർ പുരസ്കാരം. 30000 രൂപയും കീർത്തിപത്രവും ഫലകവും അടങ്ങുന്നതാണ് പുരസ്കാരം. യുവപ്രതിഭ പുരസ്കാരം (10000 രൂപയും കീർത്തിപത്രവും ഫലകവും) കലാമണ്ഡലം ഐശ്വര്യയ്ക്കും സമ്മാനിക്കും.
മാർഗി വിജയകുമാർ, കലാമണ്ഡലം കെ.പി. അച്യുതൻ, കലാമണ്ഡലം രാജൻ, കലാമണ്ഡലം അച്യുത വാരിയർ, അപ്പുണ്ണി തരകൻ, സരോജിനി നങ്ങ്യാരമ്മ, പല്ലവി കൃഷ്ണൻ, കുഞ്ചൻ സ്മാരകം ശങ്കരനാരായണൻ, എൻ.കെ. മധുസൂദനൻ എന്നിവർക്കാണ് കലാമണ്ഡലം അവാർഡുകൾ. 30000 രൂപയും കീർത്തിപത്രവും ഫലകവും അടങ്ങുന്നതാണ് പുരസ്കാരം.
മഠത്തിലാത്ത് ഗോവിന്ദൻകുട്ടി നായർ (മച്ചാട ഉണ്ണിനായർ) (എ.എസ്.എൻ നമ്പീശൻ പുരസ്കാരം), അഡ്വ.സി.കെ. നാരായണൻ നമ്പുതിരി (മുകുന്ദരാജ സ്മൃതി പുരസ്കാരം) ഡോ. സുമിതാ നായർ (കലാരത്നം എൻഡോവ്മെന്റ്), കലാമണ്ഡലം അനിൽകുമാർ. പി (വി.എസ്. ശർമ്മ എൻഡോവ്മെന്റ്), കലാമണ്ഡലം കൃഷ്ണേന്ദു (പൈങ്കുളം രാമചാക്യാർ സ്മാരക പുരസ്കാരം), മരുത്തോർവട്ടം കണ്ണൻ (വടക്കൻ കണ്ണൻനായർ സ്മൃതി പുരസ്കാരം), കരിവെള്ളൂർ രത്നകുമാർ ( കെ.എസ്. ദിവാകരൻനായർ സ്മാരക സൗഗന്ധിക പുരസ്കാരം), നെടുമ്പുള്ളി രാംമോഹൻ (ഭാഗവതർ കുഞ്ഞുണ്ണി തമ്പുരാൻ എൻഡോവ്മെന്റ്), ജനകാശങ്കർ. പി (ബ്രഹ്മശ്രീ പകരാവൂർ ചിത്രൻ നമ്പൂതിരിപ്പാട് എൻഡോ വ്മെന്റ്),കലാമണ്ഡലം ഗോപിനാഥപ്രഭ (കിള്ളിമംഗലം വാസുദേവൻ നമ്പൂതിരിപ്പാട് സ്മാരക അവാർഡ്) എന്നിവർ എൻഡോവ്മെന്റുകൾക്കും അർഹരായി.
Content Highlights: Kalamandalam fellowship and awards 2020
