എക്സ്ട്രീം ഫുഡ് ഫോബിക്സ് എന്ന ടിവി ഷോയുടെ ഏറ്റവും പുതിയ എപ്പിസോഡിലാണ് ഷാർലറ്റ് തന്റെ കഥ വെളിപ്പെടുത്തിയത്. ഷാർലറ്റിനെപ്പോലുള്ളവർക്ക് അവരുടെ ഭയത്തെ നേരിടാനുള്ള അവസരം നൽകുന്ന ഷോയാണ് എക്സ്ട്രീം ഫുഡ് ഫോബിക്സ്. ഷോയിൽ ബ്രോക്കോളി (ഒരിനം പച്ചക്കറി) നിറഞ്ഞ ഒരു മുറിയുടെ അകത്തേക്ക് പോകാൻ ഷാർലറ്റിനോട് ആവശ്യപ്പെട്ടു. പച്ചക്കറികൾ കണ്ടപ്പോൾ തന്നെ വിറച്ചുപോയെന്ന് ഷാർലറ്റ് പറയുന്നുണ്ട്.
ദി സൺ റിപ്പോർട്ട് ചെയ്യുന്നതനുസരിച്ച് പച്ചക്കറികൾ കഴിച്ചതിന് ശേഷം ചെറുപ്പം മുതലേ ഷാർലറ്റ് ഛർദ്ദിക്കാറുണ്ടായിരുന്നുവെന്നും, സോസ് ഉൾപ്പെടെയുള്ള പുതിയ ഭക്ഷണങ്ങളോടും മിൽക്ക് ഷെയ്ക്കുകൾ പോലെയുള്ള കട്ടിയുള്ള ദ്രാവകങ്ങളോടും പോലും പതുക്കെ ഒരു ഭയം ഷാർലറ്റിന് വളർന്നുവന്നുവത്രെ. വലുതാവുമ്പോൾ ഈ പച്ചക്കറിയോടുള്ള ഈ വിരക്തി മാറിക്കോളും എന്ന് കരുതി ഷാർലറ്റിന്റെ അമ്മ ഇക്കാര്യം അത്ര ഗൗനിച്ചില്ല. ഒപ്പം വയറു നിറയാൻ ഹോട്ട്ഡോഗുകൾ, ചിക്കൻ നഗ്ഗറ്റുകൾ തുടങ്ങിയ നോൺവെജ് വിഭവങ്ങൾ ഇഷ്ടംപോലെ വാങ്ങിച്ചു നൽകുകയും ചെയ്തു.
18 വയസ്സുള്ള ജോലി നേടിയ ഷാർലറ്റിന്റെ ഭക്ഷണരീതി അവളുടെ സഹപ്രവർത്തകരുടെ ഇടയിൽ ഒരു തമാശയായി മാറി. സഹപ്രവർത്തകർ ആരോഗ്യകരമായ പച്ചക്കറി നിറച്ച സാൻഡ്‌വിച്ചുകൾ കഴിക്കുമ്പോൾ, ഹാം (പോർക്ക് വിഭവം) മാത്രമാണ് ഷാർലറ്റ് കഴിക്കുക. ഷാർലറ്റിന്റെ ഭക്ഷണ ശീലങ്ങൾ സാമൂഹിക ജീവിതത്തെയും ബാധിച്ചിട്ടുണ്ട്. 10 വർഷത്തിലേറെയായി അവിവാഹിതയാണ് ഷാർലറ്റ്. വളർത്തു നായയോടൊപ്പമാണ് ഷാർലറ്റ് ഇപ്പോൾ സമയം ചെലവിടുന്നത്. തന്റെ ഈ പച്ചക്കറി പേടി മനസ്സിലാക്കി ആരെങ്കിലും തന്നെ സ്വീകരിക്കും എന്ന പ്രതീക്ഷയിലാണ് ഷാർലറ്റ്.
