അധികം താമസമില്ലാതെ നതിങ് ഇയർ 1 ട്രൂ വയർലെസ് ഇയർഫോൺ ഫ്ലിപ്കാർട്ട് വഴി താരത്തിന് കിട്ടി. പെട്ടി തുറന്നു നോക്കിയപ്പോൾ നതിങ്, ഒന്നുമില്ല. നതിങ് ഇയർ 1 ട്രൂ വയർലെസ് ഇയർഫോണിൻ്റെ യഥാർത്ഥ ബോക്‌സാണ് ഡെലിവറി ചെയ്തിരിക്കുന്നത് എങ്കിലും ബോക്‌സിനകത്ത് ഹെഡ്‍ഫോണിന്റെ പൊടി പോലുമില്ല.
“അപ്പോൾ നതിങ്ങിന്റെ ബോക്‌സിൽ ഫ്ലിപ്പ്കാർട്ടിൽ നിന്ന് എനിക്കൊന്നും കിട്ടിയില്ല. ഫ്ലിപ്കാർട്ട് കൂടുതൽ വഷളായിക്കൊണ്ടിരിക്കുകയാണ്. താമസിയാതെ ആളുകൾ ഫ്ലിപ്പ്കാർട്ടിൽ നിന്ന് ഉൽപ്പന്നങ്ങൾ വാങ്ങുന്നത് അവസാനിപ്പിക്കും” ചിത്രം സഹിതം പരസ് കൽനാവത്ത് ട്വീറ്റ് ചെയ്തു. ഇതിനു മറുപടിയായി “ക്ഷമിക്കണം. ഓർഡറിനെക്കുറിച്ചുള്ള നിങ്ങളുടെ ആശങ്ക ഞങ്ങൾ മനസ്സിലാക്കുന്നു. നിങ്ങളെ സഹായിക്കാൻ ഞങ്ങൾ ഇവിടെയുണ്ട്. ഓർഡർ ഐഡി ഞങ്ങളുമായി പങ്കിടുക, അതുവഴി ഞങ്ങൾക്ക് അത് പരിശോധിച്ച് നിങ്ങളെ കൂടുതൽ സഹായിക്കാനാകും. നിങ്ങളുടെ പ്രതികരണത്തിനായി കാത്തിരിക്കുന്നു” എന്ന ഫ്ലിപ്പ്കാർട്ടിൽ നിന്നുള്ള കമ്പ്യൂട്ടർ ജനറേറ്റഡ് മറുപടിയാണ് പോസ്റ്റ് ചെയ്തിരിക്കുന്നത്.
അടുത്തിടെ ഫ്ലിപ്കാർട്ട് വഴി സ്മാർട്ട്ഫോൺ ഓർഡർ ചെയ്ത ഒരു വ്യക്തിയ്ക്കും സമാനമായ അനുഭവമുണ്ടായത് വൈറലായിരുന്നു. 53,000 രൂപയോളം ചെലവഴിച്ച് ഐഫോൺ ഓർഡർ ചെയ്ത ഉപഭോക്താവിന് ലഭിച്ചത് നിർമയുടെ രണ്ട് സോപ്പു കട്ടകൾ. ഫ്ലിപ്കാർട്ടിൻെറ ഇ-കൊമേഴ്‌സ് ഉത്സവകാല വിൽപ്പനയായ ബിഗ് ബില്യൺ ഡേയ്സ് വിൽപ്പനയുടെ സമയത്ത് ഫ്ലിപ്കാർട്ടിലൂടെ ഫോണിന് ഓർഡർ നൽകിയ ആൾക്കാണ് സോപ്പ് ലഭിച്ചത്. സംഭവം ശ്രദ്ധിക്കപ്പെട്ടതോടെ ഫ്ലിപ്കാർട്ട് ഓർഡർ ക്യാൻസൽ ചെയ്ത് മുഴുവൻ തുകയും റീഫണ്ട് നൽകി.
