തിരുവനന്തപുരം > അമ്മയിൽ നിന്ന് മാതാപിതാക്കൾ കുട്ടിയെ മാറ്റിയ സംഭവത്തിൽ കാര്യങ്ങൾ കോടതിയെ അറിയിക്കാൻ സർക്കാർ. ദത്ത് നടപടികള് നടക്കുന്ന വഞ്ചിയൂര് കുടുംബ കോടതിയിൽ അമ്മയുടെ ആവശ്യം അറിയിക്കുന്നതിന് ഗവ. പ്ലീഡറെ ചുമതലപ്പെടുത്തിയതായി വനിത ശിശുവികസന വകുപ്പ് മന്ത്രി വീണാ ജോർജ് അറിയിച്ചു.
ഈ കുട്ടിയുടെ ദത്തെടുക്കല് നടപടി പൂര്ത്തിയാകുന്നതിന് മുമ്പ് കുട്ടിയെ വിട്ടുകിട്ടണമെന്ന അമ്മയുടെ ആവശ്യവും ഇത് സംബന്ധിച്ച് സര്ക്കാര് നടത്തുന്ന അന്വേഷണം ഉള്പ്പെടെയുള്ള കാര്യങ്ങളും വിലയിരുത്തണമെന്ന് ആവശ്യപ്പെടാന് മന്ത്രി വനിത ശിശുവികസന വകുപ്പിനും നിര്ദേശം നല്കിയിട്ടുണ്ട്.
