വണ്ടൂര്‍: എവറസ്റ്റ് കൊടുമുടി കയറുന്നതിനിടെ ശ്വാസതടസം അനുഭവപ്പെട്ട മലയാളി ബിരുദ വിദ്യാര്‍ത്ഥി മരിച്ചു. മലപ്പുറം വണ്ടൂര്‍ തിരുവാലി സ്വദേശി ചെള്ളിത്തോടിലെ വാളശ്ശേരി സൈഫുള്ളയുടെ മകൻ മാസിൻ ആണ് മരിച്ചത്. 19 വയസ്സായിരുന്നു.
Also Read :
മാസിൻ മഞ്ചേരി ഏറനാട് നോളജ് സിറ്റി ബിബിഎ വിദ്യാര്‍ഥിയായിരുന്നു. ഒന്നര മാസം മുമ്പാണ് പഠനവുമായി ബന്ധപ്പെട്ട് ഇയാള്‍ ഡൽഹിക്ക് പുറപ്പെട്ടത്. പിന്നീട്, എവറസ്റ്റ് കയറുന്നതിന് പദ്ധതിയിടുകയായിരുന്നു. തുടര്‍ന്ന്, നേപ്പാളിലെ കാഠ്മണ്ഡുവിലെത്തി എവറസ്റ്റ് കയറാന്‍ പോകുന്നതായി അറിയിച്ചു.
Also Read :
എവറസ്റ്റ് കയറുന്നതിനിടെ വെള്ളിയാഴ്ച കടത്ത ശ്വാസതടസം അനുഭവപ്പെടുകയായിരുന്നു. തുടര്‍ന്ന് വിദ്യാര്‍ത്ഥി മരിച്ചുവെന്നാണ് ശനിയാഴ്ച ബന്ധുക്കള്‍ക്ക് ലഭിച്ച വിവരം.
Also Read :
പിതൃസഹോദരന്‍ നേപ്പാളിലേക്ക് പുറപ്പെട്ടിട്ടുണ്ട്. മാസിനും കുടുംബവും പാണ്ടിയാടാണ് പുതിയ വീട് വെച്ച് താമസിക്കുന്നത്. മഞ്ചേരി സമീറയാണ് മാതാവ് സഹോദരി ഷെസ.
