ഉരുൾപൊട്ടലിൽ മരണപ്പെട്ട അംന സിയാദ്, അഫ്സാൻ ഫൈസൽ എന്നിവരെയും ദൃശ്യങ്ങളിൽ കാണാം. വീഡിയോ പക‍ര്‍ത്തി നിമിഷങ്ങൾക്കുള്ളിൽ ഉരുൾപൊട്ടൽ ഫൗസിയയുടേയും കുട്ടികളുടേയും ജീവനെടുത്തു. ഞായറാഴ്ച നടത്തിയ തെരച്ചിലിലാണ് കുട്ടികളുടേത് ഉൾപ്പെടെ മൃതദേഹം കണ്ടെടുത്തത്.
ഷാജി ചിറയിൽ (55), ചേരിപ്പുറത്ത് സിയാദിന്റെ ഭാര്യ ഫൗസിയ (28), മകൻ അമീൻ സിയാദ് (7), മകൾ അംസ സിയാദ് (7), കല്ലുപുരയ്ക്കൽ ഫൈസലിന്റെ മക്കളായ അഫ്സാൻ ഫൈസൽ (8), അഹിയാൻ ഫൈസൽ (4) എന്നിവരുടെ മൃതദേഹങ്ങളാണ് കണ്ടെത്തിയത്.
ഫൗസിയയുടെ മക്കളുടെ മൃതദേഹങ്ങൾ കെട്ടിപ്പിടിച്ചുകിടക്കുന്ന നിലയിലായിരുന്നു. ഇടുക്കി ജില്ലയിൽ കഴിഞ്ഞ 24 മണിക്കൂറിനിടെ മഴക്കെടുതിയിൽ മരണപ്പെട്ടവരുടെ എണ്ണം ഒമ്പതായി. മൃതദേഹങ്ങൾ പോസ്റ്റ്മോ‍ര്‍ട്ടത്തിനായി കോട്ടയം മെഡിക്കൽ കോളേജിലേക്ക് മാറ്റി. ദുരന്തത്തിൽ കാണാതായ സച്ചു ഷാഹുൽ (7)ന്റെ മൃതദേഹം ഇതുവരെ കണ്ടെത്താനായിട്ടില്ല. ഒഴുക്കിൽപെട്ട് കാണാതായ ആൻസി സാബുവിന്റെ മൃതദേഹവും കണ്ടെത്താനായില്ല.
