ജനകീയ മാപ്പിളപ്പാട്ട് ഗായകരിലെ ആദ്യസ്ഥാനങ്ങളില് ഇടംപിടിച്ചയാളായാരിന്നു കുട്ടി. ഗായകൻ, ഗാനരചയിതാവ് സംഗീത സംവിധായകൻ എന്നീ നിലകളില് പ്രശസ്തനാണ്.
മാപ്പിളപ്പാട്ടിനെ പുതിയ പരീക്ഷണങ്ങള്കൊണ്ട് ജനകീയമാക്കി. ആദ്യ മാപ്പിളപ്പാട്ട് ട്രൂപ്പ് തുടങ്ങിയതും അദ്ദേഹമാണ്. ആറ് പതിറ്റാണ്ടായി മാപ്പിളപ്പാട്ട് രംഗത്തെ സജീവ സാന്നിധ്യമായിരുന്നു വി എം കുട്ടി. സംസ്കാരം ഇന്ന് വൈകിട്ട് അഞ്ച് മണിക്ക് മലപ്പുറം പുളിക്കൽ ജുമ അത്ത് പള്ളിയിൽ നടക്കും.
1972ൽ കവി പി ഉബൈദിന്റെ ആവശ്യപ്രകാരം കാസര്കട് നടന്ന സാഹിത്യ പരിഷത്ത് സമ്മേളനത്തിലാണ് മാപ്പിളപ്പാട്ട് ഗാനമേളയായി അവതരിപ്പിച്ചത്.
1935 ഏപ്രിൽ 16ന് മലപ്പുറം ജില്ലയിലെ പുളിക്കലിലാണ് വി എം കുട്ടിയുടെ ജനനം. പ്രാഥമിക വിദ്യാഭ്യാസത്തിന് അധ്യാപക പരിശീലന കോഴ്സിനും ശേഷം 1985വരെ അധ്യാപകനായി അദ്ദേഹം ജോലി ചെയ്തു വന്നിരുന്നു. പിന്നീട്, സ്വമേധയാ വിരമിച്ച് മാപ്പിളപ്പാട്ട് രംഗത്ത് സജീവമാകുകയും ചെയ്തു.
ഉൽപ്പത്തി, പതിനാലാംരാവ്, പരദേശി എന്നീ സിനിമകളിൽ അഭിനയിച്ചു. 7 സിനിമയിൽ പാടിയിട്ടുണ്ട്. മൂന്ന് സിനിമകള്ക്കായി ഒപ്പന സംവിധാനം ചെയ്തു. മാര്ക്ക് ആന്റണി എന്ന സിനിമയ്ക്ക് വേണ്ടി പാട്ടെഴുതിയിട്ടുണ്ട്.
