വൈദ്യുതി പ്രതിസന്ധി സംബന്ധിച്ച് കെ എസ് ഇ ബി കാര്യങ്ങള് കൃത്യമായി നിരീക്ഷിച്ചുവരികയാണ്. ജനങ്ങള് വൈദ്യുതി ഉപയോഗം നിയന്ത്രിക്കണമെന്ന് കെ എസ് ഇ ബി ആവശ്യപ്പെട്ടിട്ടുണ്ടെന്നും മന്ത്രി പറഞ്ഞു. കൽക്കരിക്ഷാമമത്തെ തുടർന്ന് രാജ്യം കനത്ത വൈദ്യുത പ്രതിസന്ധിയിലേക്കാണ് നീങ്ങുന്നതെന്നാണ് റിപ്പോർട്ടുകൾ. ഇന്ത്യയിൽ ആകെ വൈദ്യുതി ഉൽപാദനത്തിന്റെ 70 ശതമാനത്തിനും കൽക്കരിയെയാണ് ആശ്രയിക്കുന്നത്. 135 താപവൈദ്യുതി നിലയങ്ങളിൽ 110 ഇടത്തും ക്ഷാമം രൂക്ഷമാണെന്നും റിപ്പോർട്ടുകൾ പറയുന്നു.
Also Read :
രാജ്യത്ത് കല്ക്കരിയുടെ ലഭ്യതയില് വലിയതോതിലുള്ള ഇടിവ് നേരിട്ടതിനാല് കേരളത്തിന് പുറത്തുനിന്നും ലഭിക്കേണ്ടിയിരുന്ന വൈദ്യുതിയില് വ്യാഴാഴ്ച വരെ ഏകദേശം 220 മെഗാവാട്ട് വൈദ്യുതിയുടെ കുറവ് ഉണ്ടാകുമെന്ന് കെ എസ് ഇ ബി ചെയര്മാന് പറഞ്ഞതായി മാതൃഭൂമി ന്യൂസ് റിപ്പോർട്ട് ചെയ്തു.
പുറത്തുനിന്നു വാങ്ങുന്ന വൈദ്യുതിയിൽ 300 മെഗാവാട്ടിന്റെ കുറവുണ്ടെങ്കിലും നിലവിൽ കാര്യമായ നിയന്ത്രണങ്ങൾ ഏർപ്പെടുത്തിയിട്ടില്ല. അതേസമയം ഉപയോഗം വർധിച്ചാൽ നിയന്ത്രണം ഏർപ്പെടുത്തേണ്ടി വരും. മറ്റു സംസ്ഥാനങ്ങളിൽ നിന്ന് വ്യത്യസ്തമായി ജലവൈദ്യുത പദ്ധതികളെയാണ് കേരളം വൈദ്യുതി ഉൽപ്പാദനത്തിന് ആശ്രയിക്കുന്നത്. പക്ഷേ, ഇതുകൊണ്ട് പ്രതിസന്ധി ഉണ്ടാകില്ലെന്ന് പറയാൻ കഴിയില്ല.
Also Read :
കൽക്കരിക്ഷാമം രൂക്ഷമായതോടെ ഉത്തര്പ്രദേശ്, രാജസ്ഥാന്, പഞ്ചാബ്, ഡല്ഹി, ആന്ധ്ര, ഒഡീഷ തുടങ്ങിയ സംസ്ഥാനങ്ങളിൽ പ്രതിസന്ധി രൂക്ഷമായെന്നാണ് റിപ്പോർട്ടുകൾ പറയുന്നത്. പഞ്ചാബ്, രാജസ്ഥാന് എന്നീ സംസ്ഥാനങ്ങളിൽ പവർകട്ട് ഏർപ്പെടുത്തുകയും ചെയ്തിട്ടുണ്ട്. യുപിയിൽ ഗ്രാമീണ മേഖലകളിൽ വൈദ്യുത നിയന്ത്രണം ഏർപ്പെടുത്തി. ഡൽഹിയിലും സമാന സാഹചര്യമാണ് നിലനിൽക്കുന്നത്.
Also Read :
ഡൽഹി, ഗുജറാത്ത്, പഞ്ചാബ്, രാജസ്ഥാൻ, ഡൽഹി, തമിഴ്നാട് എന്നീ സംസ്ഥാനങ്ങള് ബ്ലാക്ക് ഔട്ട് മുന്നറിയിപ്പ് നൽകിയിരിക്കുകയാണ്. കൽക്കരി വിതരണത്തിൽ വൈകാതെ പുരോഗതിയുണ്ടാകുമെന്നാണ് കേന്ദ്ര സര്ക്കാരിന്റെ വിശദീകരണം. ഡൽഹി മുഖ്യമന്ത്രി അരവിന്ദ് കെജ്രിവാൾപ്രധാനമന്ത്രി നരേന്ദ്ര മോദിക്ക് ഇത് സംബന്ധിച്ച് കത്തയച്ചു. പവർ പ്ലാന്റുകളിലേക്കുള്ള കൽക്കരി വിതരണം മെച്ചപ്പെട്ടില്ലെങ്കിൽ അടുത്ത രണ്ട് ദിവസത്തിനുള്ളിൽ ദേശീയ തലസ്ഥാനം “ഒരു ബ്ലാക്ക്ഔട്ട് നേരിടേണ്ടിവരും” എന്നാണ് അദ്ദേഹം മുന്നറിയിപ്പ് നൽകിയിരിക്കുന്നത്.
