തിരുവനന്തപുരം: കാറും ബൈക്കും കൂട്ടിയിടിച്ച് ബൈക്ക് യാത്രക്കാരനായ എംബിബിഎസ് വിദ്യാർഥി മരിച്ചു. രണ്ടുപേർ സഞ്ചരിച്ച ബൈക്കിലെ മറ്റൊരു എംബിബിഎസ് വിദ്യാർഥിക്ക് ഗുരുതരമായി പരിക്കേറ്റു. ഇയാളെ അനന്തപുരി ആശുപത്രിയിൽ പ്രവേശിപ്പിച്ചിരിക്കുകയാണ്.പോത്തൻകോട് ചന്തവിളയിൽവെച്ച് പുലർച്ചെ നാലര മണിയോടെ ഗോകുലം മെഡിക്കൽ കോളേജിൽ നിന്നും റെയിൽവേ സ്റ്റേഷനിലേക്ക് പോകുന്നതിനിടെയായിരുന്നു അപകടം.
എറണാകളും കോതമംഗലം സ്വദേശി നിധിൻ ഹരിയാണ് മരിച്ചത്.ഗോകുലം മെഡിക്കൽ കോളേജ് എംബിബിഎസ് വിദ്യാർഥികളാണ് ഇരുവരും.
