കൊവിഡ് 19 ലോക്ക്ഡൗണിനു പിന്നാലെ സംസ്ഥാനത്തെ സ്കൂളുകള് തുറക്കുന്നതിന് ആവശ്യമായ മാര്ഗനിര്ദേശങ്ങള് പ്രഖ്യാപിക്കുമ്പോഴായിരുന്നു മന്ത്രി വിവാദ പരാമര്ശം നടത്തിയത്. രാജ്യത്ത് ഇതിനോടകം സ്കൂളുകള് തുറന്ന സംസ്ഥാനങ്ങളുടെ എണ്ണം പറഞ്ഞപ്പഴായിരുന്നു മന്ത്രിയ്ക്ക് പിഴവ് പറ്റിയത്. ഇന്ത്യയിൽ 35 സംസ്ഥാനങ്ങളല്ലേ ഉള്ളതെന്ന് മന്ത്രി വാര്ത്താസമ്മേളനത്തിനിടെ ഉദ്യോഗസ്ഥരോടു ചോദിക്കുകയായിരുന്നു. എന്നാൽ രാജ്യത്ത് 23 സംസ്ഥാനങ്ങളിലാണ് സ്കൂളുകള് തുറന്നതെന്ന് ഉദ്യോഗസ്ഥൻ മറുപടി നല്കയിതോടെ ഇക്കാര്യം മന്ത്രിയും ആവര്ത്തിച്ചു. എന്നാൽ വിദ്യാഭ്യാസമന്ത്രിയ്ക്ക് രാജ്യത്ത് എത്ര സംസ്ഥാനങ്ങളുണ്ടെന്ന കാര്യം പോലും അറിയില്ലേ എന്നു ചോദിച്ചായിരുന്നു സമൂഹമാധ്യമങ്ങളില പരിഹാസം.
Also Read:
എന്നാൽ നാക്കുപിഴ മനുഷ്യസഹജമാണെന്നും നേമത്തെ ബിജെപി അക്കൗണ്ട് പൂട്ടിച്ചതിലെ വാശിയും വൈരാഗ്യവുമാണ് തനിക്കെതിരെയുള്ള പ്രചാരണത്തിനു കാരണമെന്ന് ശിവൻകുട്ടി പറഞ്ഞു. നാക്കുപിഴ എല്ലാവര്ക്കും സംഭവിക്കുന്നതാണ്. ഇത് വളരെ മനുഷ്യസഹജമാണ്. ആക്ഷേപിക്കുന്നവര്ക്ക് സന്തോഷം കിട്ടുന്നുണ്ടെങ്കിൽ സന്തോഷിക്കട്ടെ. ഇവര്ക്ക് മറുപടി പറഞ്ഞ് സമയം കളയുന്നില്ലെന്ന് മന്ത്രി പറഞ്ഞു. നേമത്തെ അക്കൗണ്ട് പൂട്ടിയതിൽ ബിജെപിയ്ക്ക് വാശിയും വൈരാഗ്യവുമുണ്ടെന്ന് അദ്ദേഹം പറഞ്ഞു.
സംസ്ഥാനത്ത് സ്കൂളുകള് തുറക്കുന്നതിനു വലിയ പിന്തുണയുണ്ടെന്നും പുതിയ മാര്ഗരേഖ പുറത്തു വന്നതോടെ ആശങ്ക മാറിയിട്ടുണ്ടെന്നും മന്ത്രി പറഞ്ഞു. ഇത്രയും മുന്നൊരുക്കങ്ങള് നടത്തിയ ശേഷം സ്കൂളുകള് തുറക്കുന്ന ആദ്യ സംസ്ഥാനം കേരളമാണെന്നും മന്ത്രി പറഞ്ഞു. വിവാദപരാമർശത്തെപ്പറ്റിയുള്ള പരിഹാസം സംബന്ധിച്ച് മാധ്യമങ്ങളുടെ ചോദ്യങ്ങൾക്ക് മറുപടി പറയുകയായിരുന്നു മന്ത്രി.
Also Read:
മുൻപ് സമാനമായ സാഹചര്യത്തിലൂടെ കടന്നു പോയ തിരുവഞ്ചൂര് രാധാകൃഷ്ണനോടും ഇപി ജയരാജനോടുമാണ് പലരും വി ശിവൻകുട്ടിയെ ഉപമിച്ചത്. മന്ത്രിയുടെ അറിവില്ലായ്മയാണ് വാര്ത്താസമ്മേളനത്തിൽ കണ്ടതെന്ന വിമര്ശനം ഉയര്ന്നതോടെ ശിവൻകുട്ടിയ്ക്കെതിരെ മുൻ വിദ്യാഭ്യാസമന്ത്രി അബ്ദുറബ്ബും രംഗത്തെത്തി. ഇന്ത്യയിലെ 28 സംസ്ഥാനങ്ങളുടെയും 8 കേന്ദ്രഭരണപ്രദേശങ്ങളുടെയും പേരുകള് താഴെ കൊടുക്കുന്നു എന്നു പറഞ്ഞായിരുന്നു മുസ്ലീം ലീഗ് നേതാവ് കൂടിയായ അബ്ദുറബ്ബിൻ്റെ ഫേസ്ബുക്ക് പോസ്റ്റ്. ആര്ക്കെങ്കിലും ഉപകാരപ്പെടും എന്നു പറഞ്ഞു പങ്കുവെച്ച പോസ്റ്റിൽ വിദ്യാഭ്യാസമന്ത്രിയുടെ പേര് പരാമര്ശിച്ചിരുന്നില്ല. ഇതോടൊപ്പം ഇന്ത്യയുടെ ഭൂപടവും പോസ്റ്റിൽ ചേര്ത്തിട്ടുണ്ട്. വിദ്യാഭ്യാസമന്ത്രിയുടെ പരാമർശത്തെ പരിഹസിച്ച് യൂത്ത് ലീഗ് നേതാവ് പികെ ഫിറോസും രംഗത്തെത്തിയിട്ടുണ്ട്. അബ്ദുറബ്ബ് ആയിരുന്നേൽ ഒരു വിറ്റുണ്ടായിരുന്നു എന്നു പറഞ്ഞാണ് ഫിറോസ് ശിവൻകുട്ടിയുടെ വീഡിയോ പങ്കുവെച്ചത്.
