കാലിഫോർണിയയിലെ ലോസ് ഏഞ്ചൽസിൽ താമസിക്കുന്ന വ്യക്തി ഒരു മന്ത്രവാദിയെയാണ് ഇതിന് പരിഹാരം കിട്ടാൻ ചെന്ന് കണ്ടത്. പറ്റിക്കാം എന്ന് മസസ്സിലാക്കിയതോടെ മന്ത്രവാദി മുൻ കാമുകി കൂടോത്രം ചെയ്തിട്ടുണ്ട് എന്നും തനിക്ക് അത് തകർക്കാൻ സാധിക്കും എന്ന് യുവാവിനെ പറഞ്ഞു ഫലിപ്പിച്ചു. ശാപം മുറിക്കാൻ 5100 ഡോളർ (3.8 ലക്ഷം രൂപ) നൽകിയാൽ ആഭിചാരം ചെയ്യാം എന്നും മന്ത്രവാദി പറഞ്ഞു.
സോഫിയ ആഡംസ് എന്നാണ് മന്ത്രവാദിയുടെ പേര്. “അവബോധജന്യവും മാനസികവുമായ വായനകൾ, ആത്മീയ കൗൺസിലിംഗ്, മാർഗ്ഗനിർദ്ദേശം, വൈകാരിക രോഗശാന്തി” തുടങ്ങിയ സേവനങ്ങൾ വാഗ്ദാനം ചെയ്യുന്ന “സൈക്കിക് ലവ് സ്പെഷ്യലിസ്റ്റ്”, “പിഎച്ച്ഡി ലൈഫ് കോച്ച്” എന്നിങ്ങനെയാണ് സോഫിയ തന്നെപ്പറ്റി വെബ്‌സൈറ്റിൽ കുറിച്ചിരുന്നത്. ഇത് കണ്ടാണ് മൗറോ റെസ്ട്രെപോ എന്ന് പേരുള്ള യുവാവ് ബന്ധപ്പെട്ടത്.
ശാപം നീക്കിയില്ലെങ്കിൽ താനും കുടുംബവും “അസന്തുഷ്ടരും അപകടത്തിലുമായിരിക്കും” എന്ന് ആഡംസ് പറഞ്ഞതായി റെസ്ട്രെപോ പറയുന്നു. 1,000 ഡോളറിന്റെ പ്രാരംഭ പരിഹാര ക്രീയകൾ നടത്തിയെങ്കിലും തനിക്ക് ഒരു ഗുണവുമുണ്ടായില്ല എന്നും ഉറക്കമില്ലാത്ത രാത്രികളും ഉത്കണ്ഠയും വേദനയും താൻ അനുഭവിക്കുന്നുണ്ടെന്നും പറഞ്ഞു റെസ്ട്രെപോ ഇപ്പോൾ ആഡംസിനെതിരെ കേസ് കൊടുത്തിരിക്കുകയാണ്.
അശ്രദ്ധ, സിവിൽ ഗൂഢാലോചന, മനഃപൂർവം അശ്രദ്ധമായി വൈകാരിക ക്ലേശം ഉണ്ടാക്കൽ എന്നീ കുറ്റങ്ങളാണ് ആഡംസിനെതിരെ റെസ്ട്രെപോ നൽകിയിരിക്കുന്ന 25,000 ഡോളർ നഷ്ടപരിഹാരം ആവശ്യപ്പെടുന്ന കേസിലെ മറ്റുള്ള ആരോപണങ്ങൾ.
