കുന്ദമംഗലം: ചൂലാംവയലിൽ കെ.എസ്.ആർ.ടി.സി ബസ് ഓട്ടോ ടാക്സിയിലും ഗുഡ്സ് ഓട്ടോയിലും ഇടിച്ച് മറിഞ്ഞ് നിരവധി പേർക്ക് പരിക്ക്. വയനാട്ടിൽ നിന്ന് കോഴിക്കോട്ടേക്ക് പോയ ബസാണ് നിയന്ത്രണംവിട്ട് രണ്ടു വാഹനങ്ങളിലും ഇടിച്ച് മറിഞ്ഞത്. ഉച്ചക്ക് മൂന്നു മണിയോടെ ആയിരുന്നു അപകടം.
പരിക്കേറ്റ ഏഴുപേരെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. മറ്റുള്ളവരുടെ പരിക്ക് ഗുരുതരമല്ല. കനത്ത മഴയ്ക്കിടെ ആയിരുന്നു അപകടം. ബസ് ഇറക്കത്തിൽ നിയന്ത്രണംവിട്ട് ഗുഡ്സ് ഓട്ടോയിലും പിന്നീട് ഓട്ടോ ടാക്സിയിലും ഇടിക്കുകയായിരുന്നു.
