ചോദ്യോത്തര വേളയിൽ ഷാഫി പറമ്പിൽ അടക്കമുള്ള പ്രതിപക്ഷ അംഗങ്ങൾ ചോദിച്ച ചോദ്യത്തിനുള്ള മറുപടിയായിട്ടാണ് മുഖ്യമന്ത്രി ഇക്കാര്യം പറഞ്ഞത്. അതേസമയം, സംസ്ഥാനത്ത് വിവിധ മതങ്ങൾക്കിടെയിൽ സ്പർധ വർധിക്കുന്നതായി മാധ്യമവാർത്തകൾ ശ്രദ്ധയിൽപ്പെടുത്തിയിട്ടുണ്ടെന്ന് വർഗീയതയുമായി ബന്ധപ്പെട്ട ഒരു ചോദ്യത്തിന് മറുപടിയായി മുഖ്യമന്ത്രി പറഞ്ഞു. ഇത്തരം നീക്കങ്ങൾ തടയാൻ ക്രിയാത്മകമായ നടപടികൾ സർക്കാർ നടത്തുന്നുണ്ട്. സംസ്ഥാനത്ത് പൊതുവിൽ സമാധാന അന്തരീക്ഷമാണുള്ളത്. എന്നാൽ വ്യാജ വാർത്തകൾ നൽകി വർഗീയ കലാപം സൃഷ്ടിക്കാൻ ചില ഓൺലൈൻ പോർട്ടലുകൾ ശ്രമം നടത്തുന്നുണ്ടെന്ന് മുഖ്യമന്ത്രി ആരോപിച്ചു.
ചില ഓൺലൈൻ പോർട്ടലുകൾ നടത്തുന്ന നീക്കം തടയാൻ രഹസ്യാന്വേഷന വിഭാഗവും സൈബർ സെല്ലും പരിശോധന ശക്തമാക്കിയിട്ടുണ്ട്. പോലീസിൻ്റെ വിവിധ വിഭാഗങ്ങളായ സൈബർഡോം, ഹൈടെക് സെൽ, സൈബർ പോലീസ് സ്റ്റേഷനുകൾ, പോലീസ് മീഡിയ സെൽ എന്നിവയെ ഇക്കാര്യങ്ങൾ ചുമതലപ്പെടുത്തിയിട്ടുണ്ട്. ഇത്തരം സംഭവങ്ങൾ ശ്രദ്ധയിൽ പ്പെട്ടതിനെ തുടർന്ന് ചില ഓൺലൈൻ പോർട്ടലുകൾക്കെതിരെ നടപടി സ്വീകരിച്ചതായും മുഖ്യമന്ത്രി നിയമസഭയിൽ പറഞ്ഞു.
മതസൗഹാർദം ഉറപ്പ് വരുത്തുന്നതിനുള്ള എല്ലാ നടപടികളും സർക്കാർ കൈക്കൊണ്ട് വരികയാണ്. വിഷയത്തിൽ മതസാമുദായിക വിഭാഗത്തിൽ പെട്ട പ്രമുഖരെ ഉൾപ്പെടുത്തി സർവകകക്ഷി യോഗം വിളിക്കേണ്ട സാഹചര്യമില്ല. വിവിധ മതവിഭാഗങ്ങൾ തമ്മിൽ നല്ല സൗഹാർദപരമായ അന്തരീക്ഷമാണ് സംസ്ഥാനത്തുള്ളത്. എല്ലാ വിഭാഗങ്ങളെയും സംഘടിപ്പിച്ച് കൊണ്ട് മുന്നോട്ട് പോകുന്നതിനുള്ള നടപടികൾ സർക്കാർ സ്വീകരിക്കുന്നുണ്ട്. അതിനൊപ്പം മതസൗഹാർദം ഉറപ്പുവരുത്തുന്നതിനുള്ള ക്രിയാത്മകമായ നടപടികളും സർക്കാരിൻ്റെ ഭാഗത്ത് നിന്നും ഉണ്ടാകുന്നുണ്ടെന്നും മുഖ്യമന്ത്രി നിയമസഭയിൽ വ്യക്തമാക്കി.
സംസ്ഥാനത്തെ പ്രൊഫഷണൽ കോളേജുകള് കേന്ദ്രീകരിച്ച് യുവതികളെ തീവ്രവാദത്തിലേക്ക് ആകര്ഷിക്കാൻ ബോധപൂര്വമായ ശ്രമം നടക്കുന്നുണ്ടെന്നാണ് സിപിഎം റിപ്പോർട്ട്. പാര്ട്ടി സമ്മേളനങ്ങളുടെ ഉദ്ഘാടന പ്രസംഗത്തിനായി നല്കിയിട്ടുളള കുറിപ്പിലാണ് കോളേജുകള് കേന്ദ്രീകരിച്ചുള്ള മുസ്ലീം തീവ്രവാദ പ്രവര്ത്തനങ്ങളെപ്പറ്റിയുള്ള വിവാദ പരാമര്ശം. മുസ്ലീം സംഘടനകളിൽ നുഴഞ്ഞു കയറി പ്രശ്നങ്ങള് സൃഷ്ടിക്കാനാണ് ശ്രമം നടക്കുന്നതെന്നും താലിബാനെപ്പോലും പിന്തുണയ്ക്കുന്ന ചര്ച്ചകള് സംസ്ഥാനത്ത് നടക്കുന്നത് ഗൗരവത്തോടെ കാണണമെന്നും പാര്ട്ടി കുറിപ്പിൽ വ്യക്തമാക്കുന്നു.
മുസ്ലീം സംഘടനകളിൽ നുഴഞ്ഞുകയറി ബോധപൂര്വം പ്രശ്നങ്ങള് സൃഷ്ടിക്കാനാണ് മുസ്ലീം വര്ഗീയ തീവ്രവാദ രാഷ്ട്രീയം ശ്രമിക്കുന്നതെന്നാണ് പാര്ട്ട വ്യക്തമാക്കുന്നത്. താലിബാൻ പോലുള്ള സംഘടനകളെ ബഹുഭൂരിപക്ഷം മുസ്ലീങ്ങളും ജനാധിപത്യവിശ്വാസികളും തള്ളിക്കളയുന്നുണ്ട്. എന്നാൽ താലിബാനെ പിന്തുണയ്ക്കുന്ന ചര്ച്ചകള് സംസ്ഥാനത്തു നടക്കുന്നത് ഗൗരവത്തോടെ കാണണമെന്നും സിപിഎം കുറിപ്പിൽ വ്യക്തമാക്കിയതായി വിവിധ മാധ്യമങ്ങൾ റിപ്പോർട്ട് ചെയ്തിരുന്നു.
