ദുബായ് > ഐപിഎൽ അവസാനഘട്ടത്തിലേക്ക് കടക്കുമ്പോൾ പ്ലേ ഓഫിലെ ശേഷിക്കുന്ന ഒരു സ്ഥാനത്തിനായി നാലു ടീമുകൾ രംഗത്ത്. ചെന്നെെ സൂപ്പർ കിങ്സ്, ഡൽഹി ക്യാപിറ്റൽസ്, റോയൽ ചലഞ്ചേഴ്സ് ബാംഗ്ലൂർ ടീമുകൾ പ്ലേ ഓഫിൽ കടന്നു.
ചെന്നെെക്കും ഡൽഹിക്കും രണ്ടു കളി ശേഷിക്കെ 18 പോയിന്റുവീതമാണ്. ബാംഗ്ലൂരിന് പതിനാറും. കൊൽക്കത്ത നെെറ്റ്റൈഡേഴ്സിന് 12 പോയിന്റായി. പഞ്ചാബ് കിങ്സ്, രാജസ്ഥാൻ റോയൽസ്, മുംബെെ ഇന്ത്യൻസ് ടീമുകൾക്ക് പത്ത് വീതവും. ഇതിൽ പഞ്ചാബ് 13 മത്സരം പൂർത്തിയാക്കിയതിനാൽ സാധ്യതയിൽ പിന്നിലാണ്. നാല് പോയിന്റുമാത്രമുള്ള സൺറൈസേഴ്സ് ഹെെദരാബാദ് പുറത്തായി. ചെന്നൈയെ ഏഴ് വിക്കറ്റിന് തകർത്താണ് രാജസ്ഥാൻ പ്രതീക്ഷ കാത്തത്. ഡൽഹി മുംബൈയെ നാല് വിക്കറ്റിന് തോൽപ്പിച്ചു.
