IPL 2021, KKR vs SRH Score Updates: ഐപിഎൽ സൂപ്പർ സൺഡേയിലെ രണ്ടാം മത്സരത്തിൽ സൺ റൈസേഴ്സ് ഹൈദരാബാദിനെതിരെ കൊൽക്കത്ത നൈറ്റ് റൈഡേഴ്സിന് 116 റൺസ് വിജയലക്ഷ്യം. 20 ഓവറിൽ എട്ട് വിക്കറ്റ് നഷ്ടത്തിൽ 115 റൺസാണ് ആദ്യം ബാറ്റ് ചെയ്ത ഹൈദരാബാദ് നേടിയത്.
ആദ്യ ഓവറിൽ തന്നെ ഹൈദരാബാദിന് ആദ്യ വിക്കറ്റ് നഷ്ടപ്പെട്ടു. രണ്ടാമത്തെ പന്തിൽ വൃദ്ധിമാൻ സാഹയുടെ വിക്കറ്റാണ് നഷ്ടപ്പെട്ടത്. റണ്ണൊന്നുമെടുക്കാതെയാണ് സാഹ പുറത്തായത്.
നായകൻ കെയിൻ വില്യംസനാണ് ഹൈദരാബാദ് നിരയിൽ കൂടുതൽ റൺസ് നേടിയത്. 21 പന്തിൽ നിന്ന് നാല് ഫോറടക്കം 26 റൺസാണ് വില്യംസൺ നേടിയത്.
അബ്ദുൽ സമദ് 18 പന്തിൽ നിന്ന് 25 റൺസും നേടി. പ്രിയം ഗാർഗ് 31 പന്തിൽ നിന്ന് 21 റൺസും നേടി.
ഓപ്പണർ ജേസൺ റഓയ് 13 പന്തിൽ നിന്ന് രണ്ട് ഫോറടക്കം 10 റൺസെടുത്ത് പുറത്തായി. അഭിഷേക് ശർമ-ആറ്, ജേസൺ ഹോൾഡർ-രണ്ട്, റാഷിദ് ഖാൻ-എട്ട്, ഭുവനേശ്വർ കുമാർ-ഏഴ്, സിദ്ധാർത്ഥ് കൗൾ – ഏഴ് എന്നിങ്ങനെയാണ് മറ്റുള്ളവരുടെ റൺസ്.
കൊൽക്കത്തയ്ക്ക് വേണ്ടി ടിം സൂത്തി, ശിവം മാവി, വരുൺ ചക്രവർത്തി എന്നിവർ രണ്ട് വിക്കറ്റെടുത്തു, ഷാക്കിബുൽ ഹസൻ ഒരു വിക്കറ്റുമെടുത്തു.
മത്സരത്തിൽ ടോസ് നേടിയ ഹൈദരാബാദ് ബാറ്റിങ് തിരഞ്ഞെടുക്കുകയായിരുന്നു. ദുബായ് ഇന്റർനാഷനൽ സ്റ്റേഡിയത്തിലാണ് മത്സരം.
Also Read: IPL 2021, RCB vs PBKS Score Updates: പഞ്ചാബിനെതിരെ ആറ് റൺസ് ജയം; പ്ലേ ഓഫിൽ പ്രവേശിച്ച് ബാംഗ്ലൂർ
The post IPL 2021, KKR vs SRH Score Updates: കൊൽക്കത്തയ്ക്ക് 116 റൺസ് വിജയലക്ഷ്യം appeared first on Indian Express Malayalam.
