കൊലപ്പെടുത്താനുറച്ച് തന്നെയാണ് പ്രതിയായ യുവാവ് കോളേജിലെത്തിയത്. പ്രതിയായ അഭിഷേക് വിദ്യാര്‍ത്ഥിനിയെ കാത്തുനിൽക്കുകയായിരുന്നുവെന്നാണ് റിപ്പോർട്ട്. കൊലപാതകത്തിന് ശേഷവും ഭാവഭേദമില്ലാതെയായിരുന്നു പ്രതി നിന്നതെന്നാണ് ദൃക്സാക്ഷികള്‍ പറയുന്നത്.
Also Read :
ഇരുവരും ഒരേ പരീക്ഷാഹാളിലാണ് പരീക്ഷ എഴുതിയത് എന്നാണ് പരീക്ഷ എഴുതിയ സഹപാഠി ആദത്തെ ഉദ്ധരിച്ച് മാതൃഭൂമി റിപ്പോര്‍ട്ട് ചെയ്യുന്നു. അതേസമയം, ഇരുവരും തമ്മിൽ എന്തെങ്കിലും അടുപ്പമുണ്ടോ എന്ന് അറിയില്ലെന്നും സഹപാഠി മാധ്യമത്തോട് പറഞ്ഞു. കോളേജിൽ വെച്ച് വഴക്കൊന്നും ഉണ്ടായിട്ടില്ല. അഭിഷേക് അധികം സംസാരിക്കാത്ത പ്രകൃതമാണെന്നും സഹപാഠി പറഞ്ഞു.
പരീക്ഷ കഴിഞ്ഞ് ഇറങ്ങിയശേഷം ഇരുവരും ഒരുമിച്ചാണ് മുന്നോട്ട് നടന്നത് ഇതിനിടെ ഇരുവരും തമ്മില്‍ വാക്കേറ്റവുമുണ്ടായതായി പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്യുന്നു.
Also Read :
സ്‌റ്റേഡിയത്തിന് സമീപത്ത് വച്ച് അഭിഷേക് പെണ്‍കുട്ടിയെ കടന്നുപിടിക്കുകയും നിലത്തേയ്ക്ക് ബലംപ്രയോഗിച്ച് കിടത്തുകയുമായിരുന്നു. പിന്നീട് കയ്യില്‍ കരുതിയിരുന്ന മുര്‍ച്ചയേറിയ കത്തി ഉപയോഗിച്ച് കഴുത്തില്‍ അമര്‍ത്തുകയുമായിരുന്നു. ഓടിയെത്തിയവര്‍ കണ്ടത് പെണ്‍കുട്ടിയുടെ കഴുത്തില്‍ നിന്ന് രക്തം ചീറ്റുന്നതാണ്.
ബലപ്രയോഗത്തിനിടയില്‍ അഭിഷേകിന്റെ കൈയ്ക്കും പരിക്കേറ്റിരുന്നു. സംഭവത്തിന് ശേഷം സമീപത്തെ സിമന്റ് ബഞ്ചില്‍ പോയി വിശ്രമിക്കുകയുമായിരുന്നു. പോലീസെത്തി ജീപ്പില്‍ കയറാന്‍ ആവശ്യപ്പെട്ടതോടെ ഇയാള്‍ കൂസലില്ലാതെ ജീപ്പില്‍ കയറുകയും ചെയ്തുവെന്ന് കോളേജിൽ ഉണ്ടായിരുന്ന ദൃക്സാക്ഷി മാധ്യമങ്ങളോട് പറഞ്ഞു.
Also Read :
കോളേജില്‍ നിന്നും കുട്ടിയെ വാഹനത്തില്‍ കയറ്റുമ്പോള്‍ പെൺകുട്ടിക്ക് ജീവനുണ്ടായിരുന്നു. എന്നാല്‍ 200 മീറ്റര്‍ മാത്രം അകലെയുള്ള ആശുപത്രിയിലെത്തിച്ചെങ്കിലും ജീവന്‍ നഷ്ടമായിരുന്നു.
തലയോലപ്പറമ്പ് സ്വദേശിനി കളപ്പുരയ്ക്കൽ വീട്ടിൽ നിഥിന മോളാണ് കൊല്ലപ്പെട്ടത്. വെള്ളിയാഴ്ച കാലതത്ത് 11.30 ഓടെയാണ് സംഭവം. കൂത്താട്ടുകുളം ഉപ്പാനിയിൽ പുത്തൻപുരയിൽ അഭിഷേക് ബൈജുവാണ് കൊലപ്പെടുത്തിയത്. ഇയാളെ പോലീസ് ചോദ്യം ചെയ്ത് വരികയാണ്.
