തൂങ്ങാംപാറ സ്വദേശിനിയും മലയിൻകീഴ് കണ്ടല ഗവൺമെൻ്റ് സ്കൂള് അധ്യാപികയുമായ ഷെരീഫാ ഷാജഹാനാണ് കേസിലെ പ്രതി. പോക്സോ കോടതി ജഡ്ജി കെ വി രജനീഷാണ് അധ്യാപികയ്ക്ക് ശിക്ഷ വിധിച്ച് ഉത്തരവിട്ടത് എന്നാണ് മാതൃഭൂമി റിപ്പോര്ട്ട്. പിഴ നല്കിയില്ലെങ്കിൽ മൂന്ന് മാസം കൂടി അധികം തടവുശിക്ഷ അനുഭവിക്കണം.
2005 ജനുവരി 18ന് നടന്ന സംഭവത്തിലാണ് ഇപ്പോള് വിധി വരുന്നത്. ഷെരീഫ അറബി ക്ലാസെടുക്കുന്നതിനിടെ ഒരു വിദ്യാര്ഥി മറ്റു വിദ്യാര്ഥികളുമാൈയി സംസാരിച്ചിരിക്കുന്നത് കാണുകയായിരുന്നു. ഇതു കണ്ട അധ്യാപിക കൈയ്യിലിരുന്ന ബോള് പേന എടുത്ത് കുട്ടികളുടെ നേര്ക്ക് എറിയുകയായിരുന്നു. ഈ പേന എട്ടുവയസുകാരൻ്റെ കണ്ണിൽ തുളച്ചു കയറി ഗുരുതരമായി പരിക്കേറ്റു. ആക്രമണത്തിൽ കുട്ടിയുടെ ഇടതുകണ്ണിൻ്റെ കാഴ്ച പൂര്ണമായും നഷ്ടപ്പെട്ടു. മൂന്ന് തവണ ശസ്ത്രക്രിയ നടത്തിയെങ്കിലും കാഴ്ച തിരിച്ചു കിട്ടിയിരുന്നില്ല.
Also Read:
സംഭവത്തെത്തുടര്ന്ന് അന്വേഷണവിധേയമായി അധ്യാപികയെ ആറു മാസത്തോളം സസ്പെൻഡ് ചെയ്തിരുന്നു. തുടര്ന്ന് ഈ സ്കൂളിൽ തന്നെ നിയമിക്കുകയായിരുന്നു.
മുൻപ് സമാനമായ സംഭവം ഉത്തര് പ്രദേശിലും റിപ്പോര്ട്ട് ചെയ്തിരുന്നു. ക്ലാസിലെ മോശം പെരുമാറ്റത്തിൻ്റെ പേരിൽ അധ്യാപിക ഒന്നാം ക്ലാസുകാരനു നല്കിയ ശിക്ഷയാണ് കണ്ണിൻ്റെ കാഴ്ചശക്തി നഷ്ടപ്പെടുന്നതിലേയ്ക്ക് നയിച്ചത്. കുട്ടിയുടെ മുഖത്ത് ടീച്ചര് ഫൗണ്ടൻ പേന ഉപയോഗിച്ചു കുത്തുകയായിരുന്നു. മുഖത്ത് അടിയ്ക്കാനുള്ള ശ്രമത്തിനിടെ കൈയ്യിലുണ്ടായിരുന്ന ഫൗണ്ടൻ പേന കുട്ടിയുടെ കണ്ണിൽ കൊള്ളുകയായിരുന്നുവെന്നാണ് അധ്യാപികയുടെ വിശദീകരണം. 2016ലായിരുന്നു സംഭവം നടന്നത്.
Also Read:
ഷാജഹാൻപൂരിലെ ഊര്മിള ദേവി ഹയര് സെക്കണ്ടറി സ്കൂളിലായിരുന്നു അധ്യാപികയുടെ ക്രൂരത. ഒന്നാം ക്ലാസ് വിദ്യാര്ഥിയായ ലവ് കുശിനായിരുന്നു ഗുരുതരമായി പരിക്കേറ്റത്. പാഠഭാഗം ഉറക്കെ വായിക്കാൻ ടീച്ചര് ആവശ്യപ്പെട്ടെങ്കിലും കുട്ടി തയ്യാറായില്ല. ഇതേത്തുടര്ന്നായിരുന്നു ആക്രമണം.
കുട്ടിയുടെ കണ്ണിൽ നിന്ന് രക്തസ്രാവം ഉണ്ടായതോടെ അധ്യാപകര് ഉടൻ തന്നെ ലവ്കുശിനെ ആശുപത്രിയിലെത്തിക്കുകയായിരുന്നു. എന്നാൽ ഇതിനോടകം തന്നെ കുട്ടിയുടെ കാഴ്ച ശക്തി നഷ്ടമായിരുന്നുവെന്നാണ് ദേശീയ മാധ്യമങ്ങളുടെ റിപ്പോര്ട്ടുകള്. കുട്ടിയുടെ ആശുപത്രി ചെലവ് ഒരുലക്ഷം രൂപയോളം വരുമെന്ന് അറിഞ്ഞതോടെ തങ്ങളെ ഉപേക്ഷിച്ച് അധ്യാപികയും പ്രിൻസിപ്പാളും മുങ്ങിയതായും കുടുംബം ആരോപിച്ചിരുന്നു.
