കോഴിക്കോട്
ദേശാഭിമാനി ന്യൂസ് പേപ്പർ എംപ്ലോയീസ് യൂണിയൻ(സിഐടിയു) സംസ്ഥാന പ്രസിഡന്റായി എം പ്രമോദ് കുമാറിനെയും ജനറൽ സെക്രട്ടറിയായി ഗോപൻ നമ്പാട്ടിനെയും തെരഞ്ഞെടുത്തു . ടോം പനയ്ക്കൽ, സി മോഹനൻ (വൈസ് പ്രസിഡന്റുമാർ), യശോദ പ്രിയദർശിനി ( ട്രഷറർ), കെ മധു, അബ്ദുറഹ്മാൻ കൂരി (സെക്രട്ടറിമാർ), എ റിദീഷ് , മെൽവിൻ കെ ജോർജ്, കെ കെ സോമൻ, ജേക്കബ് കുര്യൻ, പി അനിൽകുമാർ, കെ എസ് പ്രദീപ് ( സെക്രട്ടറിയറ്റ് അംഗങ്ങൾ).
പ്രതിനിധി സമ്മേളനം സിഐടിയു സംസ്ഥാന വൈസ്പ്രസിഡന്റും ദേശാഭിമാനി ജനറൽ മാനേജരുമായ കെ ജെ തോമസ് ഉദ്ഘാടനം ചെയ്തു. ഗോപൻ നമ്പാട്ട് അധ്യക്ഷനായി. യാത്രയയപ്പ് സമ്മേളനവും ഉപഹാര സമർപ്പണവും സിപിഐ എം സംസ്ഥാന കമ്മറ്റി അംഗം എ പ്രദീപ് കുമാർ ഉദ്ഘാടനം ചെയ്തു.
