Also Read:
“ക്രൈംബ്രാഞ്ച് അന്വേഷിക്കുന്ന കേസിലെ പ്രതി മോൻസൻ മാവുങ്കലിനൊപ്പം എന്ന രീതിയിൽ എന്നെയും ചേർത്ത് ഒരു ഫോട്ടോ നിക്ഷിപ്ത താൽപര്യക്കാർ പ്രചരിപ്പിക്കുന്നുണ്ട്. തെരഞ്ഞെടുപ്പുകാലത്ത് നടൻ ബൈജു വീട്ടിൽ എത്തിയപ്പോൾ ഞങ്ങൾ രണ്ടുപേരുമുള്ള ഫോട്ടോ എടുത്തിരുന്നു. ഈ ഫോട്ടോ മോർഫ് ചെയ്ത് മോൻസൻ മാവുങ്കലിനൊപ്പം നിൽക്കുന്നു എന്ന തരത്തിലാണ് പ്രചരിപ്പിക്കുന്നത്.”
“ഷീബ രാമചന്ദ്രൻ എന്ന പേരിലുള്ള അക്കൗണ്ടിൽ നിന്നും കൊണ്ടോട്ടി പച്ചപ്പട എന്ന പേരിലും ചിത്രങ്ങൾ പ്രചരിക്കുന്നുണ്ട്. ഇത് സംബന്ധിച്ച് അന്വേഷണം നടത്താൻ ഞാൻ ഡിജിപിക്ക് പരാതി നൽകിയിട്ടുണ്ട്. വെറുതെ ഒരു പോസ്റ്റ് ഉണ്ടായതല്ല എന്ന് ഉറപ്പാണ്. പോസ്റ്റിന് പിന്നിൽ ചില രാഷ്ട്രീയ താൽപര്യങ്ങൾ ഉണ്ട് എന്ന് ഞാൻ സംശയിക്കുന്നു.” മന്ത്രി ഫേസ്ബുക്ക് പോസ്റ്റിൽ പറഞ്ഞു.
Also Read:
അതേസമയം മോൻസൺ മാവുങ്കലിന്റേത് സൂപ്പർ തട്ടിപ്പാണെന്ന് സിപിഎം സംസ്ഥാന ആക്ടിങ് സെക്രട്ടറി എ വിജയരാഘവൻ പറഞ്ഞു. കെപിസിസി അധ്യക്ഷനെ സംബന്ധിച്ചിടത്തോളം നല്ലതല്ലാത്ത വാർത്തയാണ് പുറത്തുവന്നിരിക്കുന്നതെന്ന് വിജയരാഘവൻ പറഞ്ഞു. കേസിന്റെ അന്വേഷണം നല്ലരീതിയിലാണ് നടന്നുകൊണ്ടിരിക്കുന്നത്. തട്ടിപ്പിന്റെ ഭാഗമായി നിന്നവരെ പുറത്തുകൊണ്ടുവരട്ടെ. ശാസ്ത്രബോധത്തിന്റെ കുറവ് ഉള്ളതുകൊണ്ടാകാം കെപിസിസി പ്രസിഡന്റ് കെണിയിൽ പെടാൻ കാരണമെന്നും വിജയരാഘവൻ പരിഹസിച്ചു. തട്ടിപ്പിന്റെ കൂടുതൽ കാര്യങ്ങൾ അന്വേഷണത്തിലൂടെ പുറത്തുവരട്ടെ എന്നും അദ്ദേഹം പറഞ്ഞു.
