പാരിസ്
കിലിയൻ എംബാപ്പെയും നെയ്-മറും തമ്മിൽ അസ്വാരസ്യങ്ങളുണ്ടെന്ന വാർത്തകൾ തള്ളി പിഎസ്ജി പരിശീലകൻ മൗറീസിയോ പൊച്ചെട്ടീനോ. ഫ്രഞ്ച് ലീഗിൽ മോണ്ട്പെല്ലിയറുമായുള്ള കളിക്കിടെ നെയ്-മർക്കെതിരെ എംബാപ്പെ പരാതി ഉന്നയിച്ചിരുന്നു. നെയ്-മർ പാസ് നൽകുന്നില്ലെന്ന് സഹതാരം ഇഡ്രിസ ഗുയേയെയോട് പരാതി പറയുന്നതിന്റെ വീഡിയോ ദൃശ്യങ്ങൾ പുറത്തുവന്നിരുന്നു. എന്നാൽ പൊച്ചെട്ടീനോ ഇക്കാര്യം നിഷേധിച്ചു.
‘രണ്ടുപേരും മികച്ച താരങ്ങളാണ്. ചില കാര്യങ്ങൾ സംഭവിക്കും. ടീമിനുവേണ്ടിയാണ് ഇരുവരും കളിക്കുന്നത്. തമ്മിൽ ഒരു പ്രശ്നവുമില്ല’– പൊച്ചെട്ടീനോ പറഞ്ഞു.
