IPL 2021, DC vs RR- Score Updates Streaming: ഇന്ത്യൻ പ്രീമിയർ ലീഗിൽ ഡൽഹി കാപിറ്റൽസിനെതിരായ മത്സരത്തിൽ രാജസ്ഥാൻ റോയൽസിന് 155 റൺസ് വിജയലക്ഷ്യം. ടോസ് നഷ്ടപ്പെട്ട് ആദ്യ ബാറ്റിങ്ങിനിറങ്ങിയ ഡൽഹി നിശ്ചിത 20 ഓവറിൽ ആറ് വിക്കറ്റ് നഷ്ടത്തിൽ 154 റൺസ് നേടി.
32 പന്തിൽ നിന്ന് 43 റൺസ് നേടിയ ശ്രേയസ് അയ്യരാണ് ഡൽഹിയുടെ ടോപ്പ് സ്കോറർ. രണ്ട് സിക്സറും ഒരു ഫോറും അടങ്ങുന്നതാണ് ശ്രേയസിന്റെ ഇന്നിങ്സ്.
ഓപ്പണർ പൃഥ്വി ഷാ 12 പന്തിൽ നിന്ന് 10 റൺസ് നേടി പുറത്തായി. ശിഖർ ധവാൻ എട്ട് പന്തിൽ നിന്ന് ഒരു ഫോറടക്കം എട്ട് റൺസ് നേടിയും പുറത്തായി.
നായകൻ റിഷഭ് പന്ത് 24 പന്തിൽ നിന്ന് രണ്ട് ഫോറടക്കം 24 റൺസും ഷിംറോൺ ഹെറ്റ്മിയർ 16 പന്തിൽ നിന്ന് നാല് ഫോറടക്കം 28 റൺസും നേടി.
ലളിത് യാദവ് പുഫത്താവാതെ 15 പന്തിൽ നിന്ന് ഒരു ഫോറടക്കം 14 റൺസും അക്ഷർ പട്ടേൽ ഏഴ് പന്തിൽ നിന്ന് ഒരു സിക്സറടക്കം 12 റൺസും നേടി. അശ്വിൻ പുറത്താകാതെ ആറ് പന്തിൽ നിന്ന് ആറ് റൺസെടുത്തു.
രാജസ്ഥാന് വേണ്ടി ചേതൻ സക്കറിയയും മുസ്തഫിസുർ റഹ്മാനും രണ്ട് വിക്കറ്റെടുത്തു. കാർത്തിക് ത്യാഗിയും രാഹുൽ തെവാട്ടിയയും ഓരോ വിക്കറ്റെടുത്തു.
രാജസ്ഥാനെ പരാജയപ്പെടുത്തി ഐപിഎൽ പോയിന്റ് നിലയിൽ വീണ്ടും ഒന്നാമതെത്താനാവും ഡൽഹി ഇന്ന് ശ്രമിക്കുക. വെള്ളിയാഴ്ച നടന്ന മത്സരത്തിൽ ആർസിബിയെ തകർത്ത ചെന്നൈ ഡൽഹിയെ മറികടന്ന് പോയിന്റ് നിലയിൽ ഒന്നാമതെത്തിയിരുന്നു. ഡൽഹിക്കും ചെന്നൈക്കും ഒമ്പത് മത്സരങ്ങളിൽ നിന്ന് 14 പോയിന്റുണ്ട്.
റിഷഭ് പന്ത് നയിക്കുന്ന ഡൽഹി ഇന്ത്യയില്‍ നടന്ന ആദ്യ ഘട്ടത്തില്‍ മികവ് പുലര്‍ത്തിയിരുന്നു. രണ്ടാം ഘട്ടത്തില്‍ സണ്‍റൈസേഴ്സ് ഹൈദരാബാദിനെ ആധികാരികമായി കീഴടക്കിയാണ് വരവ്.
മറുവശത്ത് ആദ്യ ഘട്ടത്തില്‍ തിരിച്ചടി നേരിട്ട രാജസ്ഥാന് ഇനിയുള്ള ഓരോ മത്സരവും നിര്‍ണായകമാണ്. യുവതാരങ്ങളാല്‍ സമ്പന്നമായ ടീം കഴിഞ്ഞ ദിവസം നടന്ന കളിയില്‍ പഞ്ചാബ് കിങ്സിനെ ത്രില്ലര്‍ പോരാട്ടത്തിലാണ് കീഴടക്കിയത്. അവസാന രണ്ടോവറിലായിരുന്നു സഞ്ജു സാംസണിന്റെ ടീം കളിയുടെ ഗതി മാറ്റിയത്. ഡല്‍ഹിയെ പരാജയപ്പെടുത്താനായാല്‍ പോയിന്റ് പട്ടികയില്‍ നാലാം സ്ഥാനത്തെത്താനും പ്ലേ ഓഫ് സാധ്യതകള്‍ നിലനിര്‍ത്താനും രാജസ്ഥാന് കഴിയും.
രാജസ്ഥാൻ റോയൽസ് (പ്ലേയിംഗ് ഇലവൻ): യശസ്വി ജയ്‌സ്വാൾ, സഞ്ജു സാംസൺ (വിക്കറ്റ് കീപ്പർ- കാപ്റ്റൻ), ലയാം ലിവിംഗ്സ്റ്റൺ, ഡേവിഡ് മില്ലർ, മഹിപാൽ ലോമറോർ, റിയാൻ പരാഗ്, രാഹുൽ തെവാട്ടിയ, കാർത്തിക് ത്യാഗി, ചേതൻ സക്കറിയ, മുസ്തഫിസുർ റഹ്മാൻ, തബ്രേസ് ഷംസി
ഡൽഹി ക്യാപിറ്റൽസ് (പ്ലേയിംഗ് ഇലവൻ): പൃഥ്വി ഷാ, ശിഖർ ധവാൻ, ശ്രേയസ് അയ്യർ, റിഷഭ് പന്ത് (വിക്കറ്റ് കീപ്പർ- കാപ്റ്റൻ), ലളിത് യാദവ്, ഷിമ്രോൺ ഹെറ്റ്മിയർ, അക്സർ പട്ടേൽ, രവിചന്ദ്രൻ അശ്വിൻ, കഗിസോ റബാദ, അൻറിച്ച് നോർട്ജെ, അവേശ് ഖാൻ
Also Read: IPL 2021: ബ്രാവോ സഹോദരന്‍, പന്തെറിയുന്നതിനെ ചൊല്ലി ഞങ്ങള്‍ എപ്പോഴും വഴക്കിടാറുണ്ട്: ധോണി
The post IPL 2021, DC vs RR- Score Updates: രാജസ്ഥാന് 155 റൺസ് വിജയലക്ഷ്യം appeared first on Indian Express Malayalam.
