ഡൽഹിയിലെത്തുന്ന സുരേഷ് ഗോപി പ്രധാനമന്ത്രി നരേന്ദ്ര മോദിയുമായും കൂടിക്കാഴ്ച നടത്തുമെന്നാണ് റിപ്പോര്‍ട്ട്. സുരേഷ് ഗോപിയുടെ ജനകീയ മുഖം കേരളത്തിൽ ബിജെപിയ്ക്ക് പൊതുജനാടിത്തറ മെച്ചപ്പെടുത്താൻ സാഹായിക്കുമെന്നാണ് ബിജെപി കരുതുന്നത്. വരുന്ന ലോക്സഭാ തെരഞ്ഞെടുപ്പിനു മുൻപേ കേരളത്തിൽ ന്യൂനപക്ഷ സമുദായങ്ങളിൽ നിന്നടക്കം കൂടുതൽ പേരെ പാര്‍ട്ടിയ്ക്കൊപ്പം നിര്‍ത്താനാണ് ബിജെപി ശ്രമിക്കുന്നത്. പരമ്പരാഗത വോട്ടുബാങ്കുമായി മുന്നോട്ടുപോയാൽ ദീര്‍ഘകാലാടിസ്ഥാനത്തിൽ വലിയ പ്രയോജനം ചെയ്യില്ലെന്ന തിരിച്ചറിവിലാണ് പാര്‍ട്ടി. ഈ സാഹചര്യത്തിലാണ് സംസ്ഥാന നേതൃത്വത്തിൽ നടത്തുന്ന പൊളിച്ചുപണി. നാളെയാണ സുരേഷ് ഗോപി ഡൽഹിയ്ക്ക് തിരിക്കുന്നത്.
Also Read:
നിയമസഭാ തെരഞ്ഞെടുപ്പിൽ ബിജെപി നേരിട്ട കനത്ത പരാജയത്തിനു പിന്നാലെയാണ് സംസ്ഥാന ഘടകത്തിൽ വലിയ അഴിച്ചുപണി നടത്താൻ കേന്ദ്രനേതൃത്വം തീരുമാനിച്ചത്. തോൽവിയുടെ കാരണങ്ങള്‍ സംബന്ധിച്ച് പഠനം നടത്തി കേന്ദ്ര സര്‍ക്കാരിനു സ്വതന്ത്ര സമിതി സമര്‍പ്പിച്ച റിപ്പോര്‍ട്ടിലും സംസ്ഥാന നേത‍ൃത്വത്തിനായിരുന്നു കുറ്റപ്പെടുത്തൽ. ഈ സാഹചര്യത്തിലാണ് ആറു മാസത്തിനികം പാര്‍ട്ടി പുനഃസംഘടന പൂര്‍ത്തിയാക്കാൻ ബിജെപി തീരുമാനിച്ചത്.
സംസ്ഥാന അധ്യക്ഷ പദവിയിൽ നിന്ന് കെ സുരേന്ദ്രനെ മാറ്റി പകരം പുതിയ ആളെ കൊണ്ടുവരാനാണ് ബിജെപിയുടെ പദ്ധതി. ഇക്കാര്യത്തിൽ പ്രഥമ പരിഗണന സുരേഷ് ഗോപിയ്ക്കാണെന്നാണ് 24 റിപ്പോര്‍ട്ട്. എന്നാൽ ഇതുസംബന്ധിച്ച റിപ്പോര്‍ട്ടുകള്‍ സുരേഷ് ഗോപി തള്ളുകയായിരുന്നു. സാധാരണ പ്രവര്‍ത്തകനായി തുടരാനാണ് താത്പര്യമെന്നും പാര്‍ട്ടി ഏൽപ്പിച്ചിട്ടുള്ള ഉത്തരവാദിത്തങ്ങള്‍ നിര്‍വഹിക്കുമെന്നും സുരേഷ് ഗോപി പറഞ്ഞു. പാടവമുള്ളവരാണ് നേതൃപദവിയിലേയ്ക്ക് വരേണ്ടതെന്നും അധ്യക്ഷനാകാൻ താൻ തയ്യാറല്ലെന്നും സുരേഷ് ഗോപി ഏഷ്യാനെറ്റ് ന്യൂസിനോടു പറഞ്ഞിരുന്നു.
Also Read:
ഇക്കാര്യത്തിൽ ഈ വര്‍ഷം അവസാനത്തോടെ അന്തിമ തീരുമാനമെടുക്കുമെന്നാണ് റിപ്പോര്‍ട്ടുകള്‍. ലോക്സഭാ തെരഞ്ഞെടുപ്പിനു മുൻപായി ബിജെപിയെ ശക്തിപ്പെടുത്തുക എന്നതായിരിക്കും പുതിയ അധ്യക്ഷനു മുന്നിലുള്ള ജോലി. അടുത്തിടെ നാർക്കോട്ടിക് ജിഹാദ് വിവാദത്തിനു പിന്നാലെ ബാലാ രൂപത ബിഷപ്പ് മാർ ജോസഫ് കല്ലറങ്ങാട്ടിനെ കണ്ട് സംസാരിക്കാൻ ബിജെപി നേതൃത്വം ചുമതലപ്പെടുത്തിയത് സുരേഷ് ഗോപിയെ ആയിരുന്നു. ഈ നീക്കം ഏറെ മാധ്യമശ്രദ്ധ നേടുകയും ചെയ്തിരുന്നു. നിയമസഭാ തെരഞ്ഞെടുപ്പിലെ പരാജയത്തിനു മാസങ്ങൾക്കു ശേഷമാണ് സുരേഷ് ഗോപി വീണ്ടും രാഷ്ട്രീയ രംഗത്ത് സജീവമാകുന്നത്.
