മാധ്യമപ്രവർത്തകനായ വീർ സാങ്‌വിക്കാണ് ഈ സംശയമുണ്ടായത്. ഉടനെ സംശയം ദൂരീകരിക്കാൻ സാങ്‌വി ബോർബോൺ ബിസ്കറ്റിന്റെ ചിത്രം ട്വിറ്ററിൽ പോസ്റ്റ് ചെയ്തു. ഒപ്പം ‘ഇതെന്റെ ഭാവനയാണോ അതോ അതോ നിങ്ങളുടെ അത്യാർത്തിയാണോ എന്നറിയില്ല. ബോർബോൺ ബിസ്കറ്റിന് ഇതിനേക്കാൾ നീളമുണ്ടായിരുന്നില്ലേ?’ എന്ന് വീർ കുറിക്കുകയും ചെയ്തു.
കുറച്ച് സമയത്തിനുള്ളിൽ തന്നെ തയ്യാറാക്കുന്ന ബ്രിട്ടാനിയ കമ്പനിയിൽ നിന്നും മറുപടി ട്വീറ്റ് എത്തി. ‘പ്രതീക്ഷകൾ (ബോർബോൺ ബിസ്കറ്റിനെപ്പറ്റി) ഏറെയാണ് എന്ന് ഞങ്ങൾക്കറിയാം. അതെ സമയം ബിസ്കറ്റിന്റെ വലിപ്പത്തിൽ മാറ്റം വരുത്തിയിട്ടില്ല’, ബ്രിട്ടാനിയ പോസ്റ്റ് ചെയ്തു.
എന്നാൽ എപ്പോൾ മുതലാണ് ബോർബോൺ ബിസ്കറ്റിന്റെ വലിപ്പത്തിൽ മാറ്റം വരുത്താതിരുന്നത് എന്നായി വീറിന്റെ അടുത്ത ചോദ്യം. ‘കഴിഞ്ഞ ആറ് വർഷത്തിനിടെ യാതൊരു മാറ്റവും ബോർബോൺ ബിസ്കറ്റിനുണ്ടായിട്ടില്ല. അതിന് മുൻപേ തന്നെ നിങ്ങൾ ബോർബോൺ ബിസ്കറ്റ് കഴിക്കാറുണ്ട് എന്ന് ഞങ്ങൾ മനസിലാക്കുന്നു’ എന്ന് ബ്രിട്ടാനിയയിൽ നിന്നും മറുപടി വന്നു.
അതിനിടെ തൃണമൂൽ കോൺഗ്രസ് എംപി മഹുവ മൊയ്ത്ര ട്വിറ്റർ സംഭാഷണത്തിൽ പങ്കുചേർന്നു. “ഞാൻ സമ്മതിക്കുന്നു, വീർ! പക്ഷേ, എന്നെ വളരെയധികം വിഷമിപ്പിച്ചത് എന്റെ കുട്ടിക്കാലത്തെ പ്രിയപ്പെട്ട ഓറഞ്ച് ക്രീം ഇപ്പോൾ ലഭ്യമല്ല എന്നതാണ്. പകരം ഇവർ (ബ്രിട്ടാനിയ) ട്രീറ്റ് ക്രീം ബിസ്കറ്റ് അവതരിപ്പിച്ചു എങ്കിലും ഓറഞ്ച് ക്രീമിന്റെ അടുത്തെത്തില്ല. ദയവായി ഓറഞ്ച് ക്രീം വീണ്ടും അവതരിപ്പിക്കുക ബ്രിട്ടാനിയ,” മൊയ്ത്ര ട്വീറ്റ് ചെയ്തു.
ഇതേതുടർന്ന് നിരവധി പേരാണ് തങ്ങളുടെ കുട്ടികാലത്തെ ഇഷ്ടബിസ്കറ്റ്‌ ബ്രാൻഡിനെപ്പറ്റി പറഞ്ഞ് സംഭാഷണത്തിൽ പങ്കുചേർന്നത്.
