തേങ്ങാവെള്ളത്തിൽ കുതിർത്ത ബ്രെഡും, വിവിധ ചട്ണികളും, പച്ചക്കറി അരിയും പോലെ അരിഞ്ഞിട്ട മാങ്ങയുടെ ഐസ്ക്രീമും, പിന്നെ ധാരാളം ചീസും അടങ്ങിയ വഴിയോര കച്ചവടക്കാരന്റെ ‘സ്പെഷ്യൽ ചാട്ട്’ വിഭവമാണ് പുതുതായി ശ്രദ്ധ പിടിച്ച് പറ്റിയിരിക്കുന്നത്. വൈറലായ വീഡിയോയിലെ താരം മംഗോ ബാർ ഐസ്ക്രീം ആയതുകൊണ്ട് തന്നെ പലരും ” എന്നാണ് ഈ വിഭവത്തെ വിളിക്കുന്നത്.
മഞ്ഞൾ ചേർത്ത തേങ്ങാവെള്ളത്തിൽ കഷണങ്ങളായി മുറിച്ചിട്ട ബ്രേക്ക് കുതിർത്തെടുത്താണ് ഈ വിഭവം തയ്യാറാക്കുന്നത്. സ്ട്രോബെറി സിറപ്പ് പോലുള്ള സോസുകൾ ഇതിന് മുകളിലായി ഒഴിച്ച ശേഷം കശുവണ്ടി, ഉണക്കമുന്തിരി എന്നിവ മുകളിൽ വിതറുന്നു. പിന്നീട് മംഗോ ബാർ ഐസ് ക്രീം എടുത്തു ചെറിയ കഷണങ്ങളായി അരിഞ്ഞിട്ട ശേഷം മുകളിൽ ചീസ് ചിരകിയിടുന്നു. എന്നിട്ട് അതിന്‌ മുകളിലേക്ക് പിന്നെയും മംഗോ ബാർ ഐസ് ക്രീം ചിരകിയിടുന്നു. ഐസ് ക്രീം ചാട്ട് റെഡി. രുചിച്ചു നോക്കാൻ താല്പര്യമുണ്ടോ?
ഐസ്ക്രീം വടാപാവ് ഒരു കൈ നോക്കിയാലോ?
ഇനി ഐസ് ക്രീം ചാട്ട് ഇഷ്ടപ്പെട്ടില്ല എങ്കിൽ
വഡോദരയിൽ കിട്ടും. കഴിഞ്ഞ വർഷമാണ് ഈ വിഭവം ശ്രദ്ധ നേടിയത്. പാവ് എന്ന പേരിൽ അറിയപ്പെടുന്ന ബ്രെഡ് രണ്ടായി മുറിച്ച് നടുവിൽ ഉരുളക്കിഴങ്ങുകൊണ്ട് തയ്യാറാക്കിയ ഒരു വറുത്ത ഉരുള കയറ്റി വച്ച് രണ്ട് മൂന്ന് തരം ചട്നികൾ ചേർത്താണ് വടാപാവ് തയ്യാറാക്കുന്നത്. ഗാർണിഷിങ്ങിനായി തേങ്ങാ ചിരകിയത് വറുത്തതും എണ്ണയിലിട്ട് കോരിയ പച്ചമുളകും കൂടെ ചേർന്നാൽ വടാപാവ് പൂർണം. ഇനി ഉരുളക്കിഴങ്ങുകൊണ്ട് തയ്യാറാക്കിയ ഒരു വറുത്ത ഉരുളയ്ക്ക് പകരം ഒരു സ്കൂപ് ഐസ് ക്രീം തിരുകിവച്ചാലോ? ഐസ്ക്രീം വടാപാവ് തയ്യാർ.
