5000 രൂപ മറ്റൊരു ലോട്ടറി എടുത്തപ്പോള് കിട്ടിയിരുന്നു. ഈ പണം ഉപയോഗിച്ച് അതേ ഏജന്സിയില് നിന്ന് തന്നെ വീണ്ടും ലോട്ടറി എടുക്കുകയായിരുന്നു. മറ്റ് ടിക്കറ്റ് എടുത്തതിന്റെ കൂടെ ഫാന്സി നമ്പറായ ഈ ടിക്കറ്റും എടുക്കുകയായിരുന്നെന്നും ജയപാലൻ പറഞ്ഞു.
Also Read :
ഞായറാഴ്ചയാണ് കേരള സംസ്ഥാന ഭാഗ്യക്കുറി വകുപ്പിന്റെ തിരുവോണം ബമ്പര് നറുക്കെടുപ്പ് നടന്നത്. ടി ഇ 645465 എന്ന ടിക്കറ്റിനാണ് 12 കോടിയുടെ ഒന്നാം സമ്മാനം ലഭിച്ചത്. മീനാക്ഷി ലോട്ടറീസിന്റെ ത്യപ്പൂണിത്തുറയിലെ ഷോപ്പില് നിന്നും വിൽപ്പന നടത്തിയ ടിക്കറ്റാണ് ഇതെന്ന് നറുക്കെടുപ്പിന് പിന്നാലെ തന്നെ വ്യക്തമായിരുന്നു. എന്നാൽ ഈ ഭാഗ്യവാനെ കണ്ടെത്താൻ കഴിഞ്ഞില്ല.
നറുക്കെടുപ്പിന് പിന്നാലെ നിരവധിപ്പേരെ വിജയികളായി ചിത്രീകരിച്ച് പ്രചാരണവും ആരംഭിച്ചിരുന്നു. സുഹൃത്തിന്റെ വാക്ക് വിശ്വസിച്ച് ഒരു പ്രവാസി മലയാളി താൻ എടുത്ത ടിക്കറ്റിനാണ് ഒന്നാം സമ്മാനമെന്ന് അവകാശപ്പെടുകയും ചെയ്തു. ഈ സസ്പെൻസുകൾക്ക് ഒടുവിലാണ് വിജയിയെ കണ്ടെത്തിയിരിക്കുന്നത്.
Also Read :
ഏജൻസി കമ്മീഷനും ആദായ നികുതിയും കിഴിച്ചുള്ള തുകയാണ് സമ്മാനത്തിനർഹമായ ടിക്കറ്റ് ഉടമയ്ക്ക് ലഭിക്കുക. ഒന്നാം സമ്മാനമായ 12 കോടി രൂപയുടെ 10 ശതമാനമായ 1.20 കോടി രൂപ ഏജൻസി കമ്മീഷനായി സമ്മാനത്തുകയിൽനിന്നു കുറയും. ബാക്കി തുകയായ 10.8 കോടി രൂപയുടെ 30 ശതമാനം ( 3.24 കോടി) ആദായ നികുതിയിനത്തിലും പോകും. ഇതു രണ്ടും കുറച്ച് ബാക്കി 7 കോടിയോളം രൂപയാണ് ടിക്കറ്റ് എടുത്തയാൾക്ക് കിട്ടുക.
