ജലപാതയുടെ പേരിൽ വികസനമല്ല നടത്തുന്നത്, മരാമത്ത് പണിയുടെ മറവിൽ ലാഭം അടിച്ചെടുക്കുന്നതിലാണ് കണ്ണ്. പാൽ ചുരത്തുന്ന പശുവിൻ്റെ അകിടിൽ കൊതുക് കടിച്ചാലും കുടിക്കുക പാലല്ല, ചോരയാണ്. ഈ സർക്കാരും അങ്ങനെയാണ്, ഏതു തൊട്ടാലും തൊട്ടതിൻ്റെ മുകളിൽ പണമാണ് അടിച്ചുമാറ്റുന്നത്. എത്രയും മഹത്തായ സ്ഥാപനങ്ങളുടെ പ്രവർത്തിയിൽ പോലും കമ്മീഷനടിച്ച സർക്കാരാണിത്. മുഖ്യമന്ത്രിയുടെ ഓഫീസിൽ കേന്ദ്ര ഏജൻസികൾ കയറിയിറങ്ങിയ കാലം വേറെയുണ്ടോയെന്നും സുധാകരൻ ചോദിച്ചു.
ഡിസിസി ജനറൽ സെക്രട്ടറി മുണ്ടേരി ഗംഗാധരൻ അധ്യക്ഷനായി. ഡിസിസി പ്രസിഡന്റ് അഡ്വ. മാർട്ടിൻ ജോർജ്, മേയർ അഡ്വ. ടി ഒ മോഹനൻ, ഡെപ്യൂട്ടി മേയർ കെ ഷബീന ടീച്ചർ, മുസ്ലീം ലീഗ് നേതാവ് കെ പി താഹിർ, സിഎംപി നേതാവ് സുനിൽ കുമാർ, വത്സൻ അത്തിക്കൽ, ജോസ് വേലിക്കത്ത്, അഡ്വ. മനോജ് കുമാർ, സുരേഷ് ബാബു എളയാവൂർ, ഡിസിസി ജനറൽ സെക്രട്ടറി റഷീദ് കവ്വായി തുടങ്ങിയവർ പങ്കെടുത്തു.
വിജയരാഘവൻ വർഗീയ വർഗീയ വിഷം ചുരത്തുന്നു: സുധാകരൻ
നർകോട്ടിക്ക് ജിഹാദ് വിഷയത്തിൽ സിപിഎം സംസ്ഥാന സെക്രട്ടറി എ വിജയരാഘവനെതിരെ അതിരൂക്ഷ വിമർശനവുമായി കെ സുധാകരൻ എംപി രംഗത്തെത്തി. കേരളത്തിൽ വർഗീയ വിഷം ചുരത്തുന്ന ഏറ്റവും വലിയ വർഗീയവാദിയാണ് എ വിജയരാഘവനെന്ന് സുധാകരൻ കുറ്റപ്പെടുത്തി. കണ്ണൂരിൽ മാധ്യമ പ്രവർത്തകരോട് സംസാരിക്കുകയായിരുന്നു അദ്ദേഹം. മത നേതാക്കളുടെ യോഗം വിളിച്ചു ചേർത്തത് വർഗീയത വളർത്താനാണെന്ന എ വിജയരാഘവൻ്റെ പ്രസ്താവനയോട് പ്രതികരിക്കുകയായിരുന്നു സുധാകരൻ.
വിജയരാഘവനെപ്പോലുള്ള ശിഖണ്ഡികളെ മുൻനിർത്തിയാണ് സിപിഎം യുദ്ധം ചെയ്യുന്നത്. സർക്കാർ ചെയ്യേണ്ട ഉത്തരവാദിത്തമാണ് കോൺഗ്രസ് നിറവേറ്റുന്നത്. കോൺഗ്രസ് നേതാക്കൾ മതനേതാക്കളെ കണ്ടതിനു ശേഷമാണ് മന്ത്രി വാസവൻ ബിഷപ്പിനെ സന്ദർശിച്ചതെന്നും സുധാകരൻ പറഞ്ഞു. കേരളത്തിൽ തീവ്രവാദ പ്രവർത്തനങ്ങൾ ആരു നടത്തിയാലും കോൺഗ്രസ് മാത്രമല്ല, യോഗത്തിൽ പങ്കെടുത്ത മുഴുവൻ സംഘടനകളും എതിർക്കുമെന്ന കാര്യത്തിൽ സംശയമില്ലെന്നും സുധാകരൻ പറഞ്ഞു.
കണ്ണൂർ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫോളോ ചെയ്യൂകണ്ണൂർ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫോളോ ചെയ്യൂ
