സംസ്ഥാനങ്ങളുടെ താത്പര്യം സംരക്ഷിക്കാൻ നിലവിലുള്ള സമ്പ്രദായം തുടരുകയാണ് വേണ്ടതെന്നും മന്ത്രി പറഞ്ഞു. ജിഎസ്ടി കൊണ്ടുവരുന്നത് വില കുറയാൻ ഇടയാക്കുമെന്ന പ്രചാരണം ശരിയല്ല. ജിഎസ്ടി വന്നാൽ സംസ്ഥാനങ്ങളുടെ വരുമനത്തെ ദോഷകരമായി ബാധിക്കുമെന്നും ഇക്കാര്യം കൗൺസിലിൽ ഉന്നയിച്ചെന്നും മന്ത്രി പറഞ്ഞു. പാചകവാതകം ജിഎസ്ടി പരിധിയിൽ ഉള്‍പ്പെടുത്തിയിട്ടുണ്ടെന്നും അദ്ദേഹം ചൂണ്ടിക്കാട്ടി. ഇന്ധനവില കുറയ്ക്കാൻ സെസ് കുറയ്ക്കുകയാണ് വേണ്ടതെന്ന് സംസ്ഥാനങ്ങള്‍ അഭിപ്രായപ്പെട്ടെന്നും കെഎൻ ബാലഗോപാൽ വ്യക്തമാക്കി. മുൻപില്ലാത്ത വിധത്തിൽ സെസ് കൊടുക്കുന്ന ജനങ്ങളുടെ കണ്ണിൽ പൊടിയിടാനാണ് ഇക്കാര്യം പറയുന്നതെന്നും ജിഎസ്ടിയിൽ കൊണ്ടുവരുന്നതു കൊണ്ട് ഗുണം ഉണ്ടാകില്ലെന്നും മന്ത്രി വ്യക്തമാക്കി.
Also Read:
ഒരു കേസ് വന്നതിൻ്റെ അടിസ്ഥാനത്തിലാണ് ജിഎസ്ടി കൗൺസിൽ ഈ വിഷയം പരിശോധിച്ചതെന്നും കേരള ഹൈക്കോടതി മുൻപ് ഇക്കാര്യത്തിൽ നിര്‍ദേശം നല്‍കിയിരുന്നുവെന്നും ബാലഗോപാൽ പറഞ്ഞു. ഡീസലും പെട്രോളും ജിഎസ്‍‍ടിയുടെ പരിധിയിൽ കൊണ്ടുവന്നാൽ വില വലിയ തോതിൽ പ്രചാരണം നടക്കുന്നുണ്ടെന്നും കേന്ദ്രം ഭരിക്കുന്ന കക്ഷിയുടെ പ്രതിനിധികള്‍ അടക്കം ഈ പ്രചാരണം വലിയ തോതിൽ അഴിച്ചു വിടുന്നുണ്ടെന്നും മന്ത്രി പറഞ്ഞു.
പെട്രോളും ഡീസലും ജിഎസ്ടി പരിധിയിൽ കൊണ്ടുവന്നാൽ പ്രത്യേകിച്ച് ഗുണമില്ലെന്ന് മന്ത്രി പറഞ്ഞു. നിലവിൽ ഡീസലിന് 28 രൂപയും പെട്രോളിന് 26 രൂപയും സെസ് ഇനത്തിൽ കേന്ദ്രം പിരിക്കുന്നുണ്ട്. കാര്‍ഷിക സെസായി മാത്രം നാലു രൂപ പിരിക്കുന്നു. വില കുറയണമെങ്കിൽ സെസ് ഒഴിവാക്കുകയാണ് വേണ്ടത്. മറ്റു സംസ്ഥാനങ്ങളും സമാനമായ അഭിപ്രായം ഉന്നയിച്ചെന്നും ജിഎസ്‍‍ടിയിലേയ്ക്കു കൊണ്ടുപോകേണ്ടെന്ന് അഭിപ്രായപ്പെട്ടെന്നും മന്ത്രി കെഎൻ ബാലഗോപാൽ വ്യക്തമാക്കി.
Also Read:
ജിഎസ്ടി കൊണ്ടുവന്നാൽ സംസ്ഥാനത്തിനു കിട്ടിക്കൊണ്ടിരിക്കുന്ന നികുതിയുടെ പകതു നഷ്ടമാകുമെന്നും എത്ര പിരിച്ചാലും നികുതി വരുമാനത്തിൻ്റെ പകുതി മാത്രമായിരിക്കും സംസ്ഥാനത്തിനു ലഭിക്കുകയെന്നും മന്ത്രി പറഞ്ഞു. കേരളത്തിനു പുറമെ മറ്റു സംസ്ഥാനങ്ങള്‍ക്കും ഇതേ പ്രശ്നമുണ്ട്.
ഭക്ഷ്യ എണ്ണയ്ക്ക് നിലവിൽ നികുതി കുറഞ്ഞിരിക്കുന്ന സാഹചര്യത്തിൽ വെളിച്ചെണ്ണയ്ക്ക് മാത്രം വേര്‍തിരിച്ചു നികുതി ഏര്‍പ്പെടുത്തുന്ന കാര്യത്തിൽ വിശദമായ ചര്‍ച്ച നടത്തണമെന്ന് യോഗത്തിൽ ആവശ്യമുയര്‍ന്നു. ഇത് കര്‍ഷകരെയും ഉപഭോക്താക്കളെയും ബാധിക്കുന്ന പ്രശ്നമായതിനാൽ ഇക്കാര്യത്തിൽ ചര്‍ച്ച മാറ്റി വെച്ചെന്നും മന്ത്രി പറഞ്ഞു.
