ലാന്‍റ് ജിഹാദും കേരളത്തിൽ സജീവം; ബിഷപ്പിന് പിന്തുണയുമായി വത്സൻ തില്ലങ്കേരി

കോട്ടയം: പാല ബിഷപ്പ് ജോസഫ് കല്ലറങ്ങാട്ടിന് പിന്തുണയുമായി ഹിന്ദു ഐക്യവേദി സംസ്ഥാന വർക്കിങ് പ്രസിഡന്‍റ് വത്സൻ തില്ലങ്കേരി. ബിഷപ്പിനെ അദ്ദേഹത്തിന്‍റെ വസതിയിൽ നേരിട്ട് സന്ദർശിച്ചാണ് പിന്തുണ പ്രഖ്യാപിച്ചത്. സത്യം പറഞ്ഞവരെ വളഞ്ഞിട്ട് ആക്രമിക്കുന്നത് ശരിയല്ലെന്ന് അദ്ദേഹം പറഞ്ഞു.

ബിഷപ്പ് പറഞ്ഞ കാര്യങ്ങൾ ഒറ്റപ്പെട്ട സംഭവങ്ങൾ അല്ല, ലാന്‍റ് ജിഹാദ് അടക്കം മറ്റ് ജിഹാദുകളും കേരളത്തിൽ സജീവമാണെന്നും ഹിന്ദു ഐക്യവേദി സംസ്ഥാന വർക്കിങ് പ്രസിഡന്‍റ് പറഞ്ഞതായി ഏഷ്യാനെറ്റ് ന്യൂസാണ് റിപ്പോർട്ട് ചെയ്തത്. വിഷയത്തിൽ ജുഡീഷ്യൽ അന്വേഷണം വേണമെന്നും അദ്ദേഹം ആവശ്യപ്പെട്ടു.

Also Read :
താലിബാനിസം നാട്ടിൽ വരതിരിക്കാൻ എല്ലാ വിഭാഗങ്ങളും മുൻകരുതൽ എടുക്കണം. വിഷയത്തിൽ സംസ്ഥാന സർക്കാരിന്‍റെ അനുനയ നീക്കത്തെ സ്വാഗതം ചെയ്യുന്നു. എന്നാൽ ചർച്ച ചെയ്യുന്നത് കൊണ്ട് മാത്രം പ്രശ്നം തീരില്ലെന്നും ആർഎസ്എസ് നേതാവ് കൂടിയായ വത്സൻ തില്ലങ്കേരി പറഞ്ഞതായി റിപ്പോർട്ട് വ്യക്തമാക്കുന്നു.

അതിനിടെ സിപിഎമ്മിനെതിരെ രൂക്ഷവിമർശനവുമായി ബിജെപി മുൻ സംസ്ഥാന അധ്യക്ഷൻ കുമ്മനം രാജശേഖരനും രംഗത്തെത്തിയിരുന്നു. തീവ്രവാദികൾക്ക് വളക്കൂറുള്ള മണ്ണാക്കി കേരളത്തെ മാറ്റിയത് സിപിഎമ്മാണെന്നാണ് ആരോപണം. ‘ജനവികാരം മനസിലാക്കിയുള്ള നിലപാടാണ് സിപിഎം ഇപ്പോൾ സ്വീകരിച്ചിരിക്കുന്നത്. അത് വോട്ട് തട്ടാനുള്ള ശ്രമമാണ്. ആത്മാർത്ഥതയില്ലാത്ത നിലപാടാണെന്നും കുമ്മനം വിമർശിച്ചു.

Also Read :
തീവ്രവാദ സ്വഭാവങ്ങളിലേക്ക് യുവജനങ്ങളെ ആകർഷിക്കാൻ ബോധപൂർവമായ ശ്രമം നടക്കുന്നുവെന്ന സിപിഎം നിലപാടിന് പിന്നാലെയാണ് ബിജെപി നേതാവിന്‍റെ വിമർശനം. സംസ്ഥാനത്തെ പ്രൊഫഷണൽ കോളേജുകള്‍ കേന്ദ്രീകരിച്ച് യുവതികളെ തീവ്രവാദത്തിലേയ്ക്ക് ആകര്‍ഷിക്കാൻ ബോധപൂര്‍വമായ ശ്രമം നടക്കുന്നുണ്ടെന്നാണ് സിപിഎം പറയുന്നത്. പാര്‍ട്ടി സമ്മേളനങ്ങളുടെ ഉദ്ഘാടന പ്രസംഗത്തിനായി നല്‍കിയിട്ടുളള കുറിപ്പിലാണ് കോളേജുകള്‍ കേന്ദ്രീകരിച്ചുള്ള മുസ്ലീം തീവ്രവാദ പ്രവര്‍ത്തനങ്ങളെപ്പറ്റിയുള്ള പരാമര്‍ശം.

മുസ്ലീം സംഘടനകളിൽ നുഴഞ്ഞു കയറി പ്രശ്നങ്ങള്‍ സൃഷ്ടിക്കാനാണ് ശ്രമം നടക്കുന്നതെന്നും താലിബാനെപ്പോലും പിന്തുണയ്ക്കുന്ന ചര്‍ച്ചകള്‍ സംസ്ഥാനത്ത് നടക്കുന്നത് ഗൗരവത്തോടെ കാണണമെന്നും പാര്‍ട്ടി കുറിപ്പിലുണ്ട്.

Also Read :

മുസ്ലീം സംഘടനകളിൽ നുഴഞ്ഞുകയറി ബോധപൂര്‍വം പ്രശ്നങ്ങള്‍ സൃഷ്ടിക്കാനാണ് മുസ്ലീം വര്‍ഗീയ തീവ്രവാദ രാഷ്ട്രീയം ശ്രമിക്കുന്നത്. താലിബാൻ പോലുള്ള സംഘടനകളെ ബഹുഭൂരിപക്ഷം മുസ്ലീങ്ങളും ജനാധിപത്യവിശ്വാസികളും തള്ളിക്കളയുന്നുണ്ട്. എന്നാൽ താലിബാനെ പിന്തുണയ്ക്കുന്ന ചര്‍ച്ചകള്‍ സംസ്ഥാനത്തു നടക്കുന്നത് ഗൗരവത്തോടെ കാണണമെന്നും സിപിഎം കുറിപ്പിൽ വ്യക്തമാക്കിയതായി മനോരമ ന്യൂസാണ് റിപ്പോര്‍ട്ട് ചെയ്തത്.

ആശയപരമായ പ്രചാരണത്തിലാണ് ജമാഅത്തെ ഇസ്ലാമിയുടെ ഊന്നൽ. ജമാഅത്തെ ഇസ്ലാമിയുടെ ദിനപത്രമായ മാധ്യമത്തിനു പുറമെ മറ്റു സമൂഹമാധ്യമങ്ങളിലൂടെയും തീവ്രവാദ ആശയങ്ങള്‍ പ്രചരിപ്പിക്കപ്പെടുന്നു. വിദ്യാസമ്പന്നരായ യുവതികളെ തീവ്രവാദത്തിലേയ്ക്ക് തിരിച്ചു വിടാനുള്ള ബാധപൂര്‍വമായ ശ്രമമാണ് നടക്കുന്നതെന്നും സിപിഎം ആരോപിക്കുന്നു. വെൽഫെയര്‍ പാര്‍ട്ടി അടക്കമുള്ള പ്രസ്ഥാനങ്ങള്‍ കോൺഗ്രസുമായി കൈകോര്‍ക്കുന്നുവെന്ന ആരോപണവും സിപിഎം ഉയർത്തിയിട്ടുണ്ട്.