കോട്ടയം > സെമി കേഡർ പാർടി എന്താണെന്ന് അറിയാത്തവരെ പഠിപ്പിക്കുമെന്ന് കെപിസിസി പ്രസിഡന്റ് കെ സുധാകരൻ. സെമി കേഡർ എന്താണെന്ന് അറിയില്ലെന്ന എം എം ഹസ്സന്റെ പരാമർശത്തിന് മറുപടി പറയുകയായിരുന്നു സുധാകരൻ. കോൺഗ്രസ് പുനഃസംഘടന പരിസമാപ്തിയിലേക്ക് നീങ്ങുകയാണ്. കോൺഗ്രസിൽനിന്ന് ഇപ്പോൾ പുറത്തുപോയവരാരും നേതാക്കളല്ല; മാലിന്യങ്ങളാണവർ.
മതേതരത്തത്തിന് പോറലേൽക്കാതെ നിലനിൽക്കണമെന്ന കോൺഗ്രസ് നിലപാടിന്റെ ഭാഗമായാണ് മതമേലധ്യക്ഷരെ സന്ദർശിച്ചത്. ഈ നിലപാടിന് ബിഷപ്പുമാർ പിന്തുണ തന്നിട്ടുണ്ടെന്നും സുധാകരൻ മാധ്യമപ്രവർത്തകരോട് പറഞ്ഞു. “നാർക്കോട്ടിക് ജിഹാദ്’ സംബന്ധിച്ച് നേതാക്കൾക്കിടയിലെ അഭിപ്രായ വ്യത്യാസത്തെക്കുറിച്ചുള്ള ചോദ്യത്തിൽനിന്ന് സുധാകരൻ ഒഴിഞ്ഞുമാറി.
