അമേരിക്കയിലെ കാലിഫോർണിയയിലെ പ്രശസ്തമായ മോഹാവേ മരുഭൂമിയിലാണ് ഈ ആഡംബര വീടൊരുക്കിയിരിക്കുന്നത്. ‘എൽ സിമെന്റോ യുണോ’ () എന്നാണ് വീടിന്റെ പേര്. URBARC എന്ന് പേരുള്ള കമ്പനിയാണ് ഈ ആഡംബര വീട് മരുഭൂമിയിൽ ഒരുക്കിയത്. ‘ഒരു വ്യക്തിയുടെ സ്വകാര്യത’ എന്നതായിരുന്നത്രെ ഈ വീട് പണിയുമ്പോൾ URBARC ഉറപ്പാക്കിയിരുന്നത്. ലൈബ്രറി, വായിക്കാനുള്ള ഇടം എന്നിവ പ്രത്യേകം ഒരുക്കിയിട്ടിലുള്ള ആഡംബര വീട് വായിക്കാൻ ഇഷ്ടപ്പെടുന്നവരുടെ പറുദീസയാണ്.
ഈ വീട് വാങ്ങി നിങ്ങൾ ഇവിടെ താമസം ആരംഭിച്ചാൽ നിങ്ങളുടെ മനസ്സ് ശാന്തമാകുമെന്ന് URBARC കമ്പനി അവകാശപ്പെടുന്നു. വീടിന് ചുറ്റുമുള്ള 5 ഏക്കറിൽ ആരും താമസിക്കുന്നില്ല. അതുകൊണ്ട് തന്നെ അയല്വാസിയുമായി പ്രശ്നങ്ങളുണ്ടാക്കും എന്ന പേടി വേണ്ട. അതെ സമയം ഈ വീട്ടിലേക്ക് എത്തിപ്പെടാൻ ഒരു വാഹനമുണ്ടെങ്കിലേ പറ്റൂ. സ്വന്തം വാഹനത്തിന്റെ ഹോൺ ശബ്ദമില്ലാതെ മറ്റൊരു വാഹനത്തിന്റെ ശബ്ദവും കേൾക്കേണ്ടി വരില്ല.
പെട്ടന്ന് എന്തെങ്കിലും സാധനങ്ങൾ വാങ്ങേണ്ടി വന്നാലും ബുദ്ധിമുട്ടാണ്. അടുത്തൊന്നും ഒരു കട പോലുമില്ല. 13 കോടി രൂപയാണ് വീടിന്റെ വിലയായി URBARC കമ്പനി നിശ്ചയിച്ചിരിക്കുന്നത്. കോൺക്രീറ്റും ഫോമും ഉപയോഗിച്ച് നിർമ്മിച്ച ഇൻസുലേറ്റഡ് 3ഡി പാനലുകൾ ഉപയോഗിച്ചാണ് വീട് നിർമ്മിച്ചിരിക്കുന്നത്. കാലിഫോർണിയയിലെ കുഡ് പ്രോപ്പർട്ടീസ് ആണ് എൽ സിമെന്റോ യുണോയെ വില്പനയ്ക്ക് വച്ചിരിക്കുന്നത്.
