‘അദ്ദേഹത്തെ അറിയില്ല, പ്രശ്നമെന്താണെന്നും അറിയില്ല’ എന്നായിരുന്നു പാർട്ടി വിട്ട് സിപിഎമ്മിൽ ചേർന്നതിനെക്കുറിച്ചുള്ള ചോദ്യത്തോട് താരിഖ് അൻവർ പ്രതികരിച്ചത്. ഏഷ്യാനെറ്റ് ന്യൂസിനോടായിരുന്നു പ്രതികരണം.
Also Read :
അതേസമയം അനിൽകുമാറിനെതിരെ രൂക്ഷവിമർശനവുമായി കോൺഗ്രസ് നേതാവ് പിടി തോമസും ഷാഫി പറമ്പിലും രംഗത്തെത്തി. അനില്കുമാര് പാര്ട്ടി വിടുന്നത് എല്ലാ ആനുകൂല്യങ്ങളും അനുഭവിച്ച ശേഷമാണ്. കഷ്ടകാല സമയത്തും പാർട്ടിയോടൊപ്പം നിൽക്കുന്നവരെയാണ് ആവശ്യം. ഇവരാണ് മുമ്പ് താക്കോൽ സ്ഥാനത്തിരുന്ന് നിരവധി പേരെ വെട്ടിക്കളഞ്ഞതെന്നും പിടി തോമസ് വിമർശിച്ചു.
കോൺഗ്രസ് വികാരം ഉൾക്കൊള്ളാത്ത ആളായിരുന്നു അനിൽകുമാറെന്നാണ് ഷാഫി പറമ്പിൽ എംഎൽഎയുടെ വിമർശനം. അനിൽകുമാറിന് ലഭിച്ച അത്രയും അവസരങ്ങൾ ലഭിക്കാത്ത നിരവധി പ്രവർത്തകർ പാർട്ടിയിലുണ്ടെന്നും അദ്ദേഹം പറഞ്ഞു.
Also Read :
അച്ചടക്ക നടപടി പിൻവലിക്കാത്തതിൽ പ്രതിഷേധിച്ചാണ് കെ പി അനിൽകുമാർ പർട്ടി വിട്ടത്. സിപിഎമ്മിനൊപ്പം ചേർന്ന് പ്രവർത്തിക്കുമെന്ന് വ്യക്തമാക്കിയ ഇദ്ദേഹം ഇതിന് പിന്നാലെ എകെജി സെന്ററിലെത്തുകയും ചെയ്തു. സിപിഎം പൊളിറ്റ്ബ്യൂറോ അംഗം കോടിയേരി ബാലകൃഷ്ണൻ അനിൽകുമാറിനെ സ്വീകരിച്ചു. കെപിസിസി അധ്യക്ഷൻ കെ സുധാകരനെതിരെ രൂക്ഷവിമർശനമാണ് വാർത്താ സമ്മേളനത്തിൽ അനിൽകുമാർ നടത്തിയത്.
43 വര്ഷത്തെ കോണ്ഗ്രസ് ബന്ധം അവസാനിപ്പിക്കുകയാണെന്നും പിന്നില് നിന്ന് കുത്തേറ്റ് മരിക്കാന് തയ്യാറല്ലെന്നും അദ്ദേഹം പറഞ്ഞു. സോണിയ ഗാന്ധിക്കും കെ സുധാകരനും താൻ രാജിക്കത്ത് കൈമാറിയെന്നും അദ്ദേഹം വ്യക്തമാക്കി. അഞ്ചുവർഷം യൂത്ത് കോൺഗ്രസ് അധ്യക്ഷനായ തനിക്ക് ഒരു സ്ഥാനവും നല്കിയില്ല. 2016ലെയും 2021ലെ യും നിയമസഭ തെരഞ്ഞെടുപ്പിൽ സീറ്റ് നൽകിയില്ലെന്നും അദ്ദേഹം പറഞ്ഞു.
Also Read:
താലിബാൻ തീവ്രവാദികൾ അഫ്ഗാൻ പിടിച്ചെടുത്തത് പോലെയല്ലേ കെ സുധാകരൻ കെപിസിസി പിടിച്ചെടുത്തതെന്നും അനിൽകുമാർ വാർത്താ സമ്മേളനത്തിൽ ചോദിച്ചു. സംഘപരിവാർ മനസുള്ള ഒരാൾ കെപിസിസി പ്രസിഡന്റ് ആയിരിക്കുമ്പോൾ എങ്ങിനെയാണ് ഈ രാജ്യത്ത് കോൺഗ്രസിന് നീതിയുണ്ടാവുകയെന്നും അനിൽകുമാർ ചോദിച്ചിരുന്നു.
നേരത്തെ കോൺഗ്രസ് വിട്ട് സിപിഎമ്മിൽ ചേർന്ന പിഎസ് പ്രശാന്തിനൊപ്പമാണ് അനിൽകുമാർ ഏകെജി സെന്ററിൽ എത്തിയത്. സിപിഎം മുൻ സംസ്ഥാന സെക്രട്ടറിയും പൊളിറ്റ്ബ്യുറോ അംഗവുമായ കോടിയേരി ബാലകൃഷ്ണൻ ചുവന്ന ഷാൾ അണിയിച്ചാണ് കെപി അനിൽകുമാറിനെ സ്വീകരിച്ചത്
