Also Read:
ആഘോഷത്തോടനുബന്ധിച്ച് സേവന പ്രവർത്തനങ്ങൾ, പരിസ്ഥിതി പ്രവർത്തനം, കേന്ദ്രസർക്കാരിന്റെ ക്ഷേമ പദ്ധതി ഗുണഭോക്താക്കളെ ആദരിക്കൽ തുടങ്ങിയ പരിപാടികൾ ആഘോഷത്തോടനുബന്ധിച്ച് നടക്കും. കേരളത്തിൽ നിന്നും പ്രധാനമന്ത്രിക്ക് ആശംസകൾ അറിയിച്ച് 25 ലക്ഷം പോസ്റ്റ് കാർഡുകൾ അയയ്ക്കും. 71 കേന്ദ്രങ്ങളിൽ നദീ സംരക്ഷണ പരിപാടികൾ സംഘടിപ്പിക്കും. പുഴകളിലേയും തോടുകളിലേയും പ്ലാസ്റ്റിക്ക് മാലിന്യം നീക്കം ചെയ്യും- കെ സുരേന്ദ്രൻ പറഞ്ഞു.
ജന്മദിനത്തിൽ എല്ലാ ആരാധനാലയങ്ങളിലും പ്രധാനമന്ത്രിയുടെ ആയുസിനും ആരോഗ്യത്തിനും വേണ്ടി പ്രാർത്ഥനകളും പൂജകളും നടത്തും. ചെറുതും വലുതുമായ എല്ലാ ദേവാലയങ്ങളിലും പ്രാർത്ഥനകൾ നടക്കും. ഓരോ സമുദായത്തിന്റെയും ആചാരങ്ങൾക്ക് അനുസരിച്ചായിരിക്കും പ്രാർത്ഥന നടക്കുകയെന്ന് കെ സുരേന്ദ്രൻ പറഞ്ഞു.
എല്ലാവർക്കും വാക്സിനും റേഷനും നൽകിയ മോദിയെ പ്രശംസിച്ച് വാക്സിൻ വിതരണ കേന്ദ്രങ്ങളിലും റേഷൻ കടകൾക്ക് മുന്നിലും പരിപാടികൾ സംഘടിപ്പിക്കും. മത സമുദായ നേതാക്കളും സിനിമാ താരങ്ങളും സാംസ്കാരിക നായകരും പരിപാടികളിൽ പങ്കെടുക്കുമെന്ന് സുരേന്ദ്രൻ വ്യക്തമാക്കി.
