“ഖുറാൻ എന്താണെന്നും ഹദീസ് എന്താണെന്നും ലോകം അറിയും. കേരളത്തിൽ നിന്നാകും വലിയ വിപ്ലവം ലോകത്തിലേക്ക് പുറപ്പെടാൻ പോകുന്നത്. സമാധാനപ്രിയരായ ഞങ്ങളോടൊപ്പം കഴിഞ്ഞാൽ നിങ്ങൾക്കും നല്ലതാ ഞങ്ങൾക്കും നല്ലതാ. അല്ലെങ്കിൽ സ്ഥിതി വളരെ മോശമാകും. ക്രിസ്ത്യാനികൾക്ക് ഐക്യമില്ല, ഹൈന്ദവർക്ക് ഐക്യമില്ല എന്ന തെറ്റിദ്ധാരണ മാറി. അരമനയ്ക്ക് മുന്നിലോ, അമ്പലത്തിനു മുമ്പിലോ കപ്പേളയ്ക്ക് മുന്നിലോ നിന്നുകൊണ്ട് ഞങ്ങൾക്ക് ഒന്നിക്കാൻ എളുപ്പമാ. നിങ്ങൾക്ക് ഞങ്ങളോട് ഒന്നിക്കാൻ വലിയ ബുദ്ധിമുട്ടാ. നിങ്ങൾ നടപ്പിലാക്കാൻ പോകുന്ന ഹിഡൻ പദ്ധതികൾ ഞങ്ങൾ തുറന്നു പറയും കേട്ടോ. അത് നിങ്ങൾക്ക് ആപത്താണ്. അത് അവസാനിപ്പിക്കാനായിട്ട് നിങ്ങളോട് സ്നേഹത്തോടെ ഓ‍ര്‍മ്മിപ്പിക്കുകയാണ്. നമുക്ക് സമാധാനത്തിൽ കഴിയാം. രണ്ട് ജിഹാദ് പറഞ്ഞപ്പോഴേക്കും നിങ്ങൾക്ക് ചൊറിഞ്ഞു. അങ്ങനെയെങ്കിൽ 25 എണ്ണം പറഞ്ഞാൽ നിങ്ങൾക്ക് എത്രത്തോളം മാന്തേണ്ടതായി വരും. അതുകൊണ്ട് മാന്തിക്കാൻ ഇടയാക്കരുതേ എന്ന് അഭ്യർത്ഥിക്കുന്നു.” പാലാ ബിഷപ്പ് ഹൗസിനു മുന്നിൽ ജോസഫ് കല്ലറങ്ങാട്ടിന് പിന്തുണ പ്രഖ്യാപിച്ച് തീവ്ര ക്രിസ്ത്യൻ സംഘടനകളുടെ നേതൃത്വത്തിൽ നടന്ന ഐക്യദാ‍ര്‍ഢ്യ പ്രഖ്യാപനത്തിനിടെയാണ് വൈദികൻ വിദ്വേഷ പ്രസംഗവുമായി രംഗത്തെത്തിയത്.
Also Read:
വൈദികന്റെ പരാമർശത്തിനെതിരെ രൂക്ഷ വിമർശനമാണ് സമൂഹമാധ്യമങ്ങളിൽ ഉയരുന്നത്. “വികസനവും പുരോഗതിയും പറയാതെ വെറും വർഗീയത മാത്രം പറഞ്ഞുകൊണ്ടുള്ള മറ്റ് സംസ്ഥാനങ്ങളിലെപ്പോലെ ഭിന്നിപ്പിച്ചു അധികാരം പിടിക്കുന്ന രീതി കേരളത്തിൽ വിലപ്പോവില്ല. ഇത്തരം ആളുകളുടെ ഉദ്ദേശ ശുദ്ധി തിരിച്ചറിയാനുള്ള വിവേകം എല്ലാ വിഭാഗം ജനങ്ങൾക്കും ഉണ്ട്.” ബഷീർ എന്നയാൾ പ്രതികരിച്ചു.
“അച്ഛന്മാരുടെ കേസ് കുറെ ഒതുക്കി തീർക്കാൻ നിങ്ങൾക്ക് അവരുടെ മൂടുത്താങ്ങേണ്ടി വരും അച്ചോ. എന്നുവെച്ച് എല്ലാരും പിന്നാലെ പോരില്ല. എന്തെങ്കിലും ഉണ്ടെങ്കിൽ തെളിവ് വെച്ച് ഒരു വാർത്താസമ്മേളനം നടത്തണം. അല്ലെങ്കിൽ കേസ് ഫയൽ ചെയ്യണം. അല്ലാതെ അൾത്താരയിൽ നിന്ന് കവലപ്രസംഗം നടത്തരുത്.” ലെയ്ദിൻ ജോൺ എന്നയാൾ പറയുന്നു.
“കഴിഞ്ഞ പ്രളയ കാലം ഒന്നോർത്തതാൽ മതി അച്ചോ. മലപ്പുറത്ത് നിന്നും വണ്ടി വിളിച്ച് നിങ്ങളുടെ നാട്ടിൽ വന്ന് പള്ളികൾക്കുള്ളിലും വീടുകൾക്കുള്ളിലും അടിഞ്ഞ ചെളി മാറ്റിയപ്പോൾ നിങ്ങളുടെ മനസിനുള്ളിൽ അടിഞ്ഞ ചെളി ഞങ്ങൾ കാണാതെപോയി.” ബാവാസ് കുറിയേടം എന്നയാൽ പ്രതികരിച്ചു.
“മത നേതാക്കൾ കാര്യങ്ങൾ സൂക്ഷമായി അവതരിപ്പിക്കണം. ആരോ കുഴിച്ച് വെക്കുന്ന കെണികൾ തിരിച്ചറിയണം. നമ്മളെ ഭിന്നിപ്പിക്കാൻ ശ്രമിക്കുന്നവരുടെ അജണ്ടകൾ തിരിച്ചറിയണം.” അമീറലി സഖാഫി വാഴക്കാട് വ്യക്തമാക്കി. വൈദികന്റെ പ്രസംഗം പങ്കുവെച്ചുകൊണ്ടുള്ള റിപ്പോർട്ടർ ടിവിയുടെ പോസ്റ്റിലാണ് ആളുകൾ ഇത്തരത്തിൽ പ്രതികരിച്ചിരിക്കുന്നത്.
